ବାରଙ୍ଗ,୮|୧୧ (ଏସଏସନିଉଜ) ବାରଙ୍ଗଥାନା ଅଞ୍ଚଳରେ ଶୁକ୍ରବାର ରାତିରେ ଦୁଇଟି ଦୁର୍ଘଟଣାରେ ଦୁଇଜଣ ଗୁରୁତର ଆହତ ହୋଇଛନ୍ତି। ଗୋଟିଏ କାର ସମ୍ମୁଖରୁ ଆସୁଥିବା ଏକ ମୋଟର ସାଇକେଲକୁ ଧକା ଦେଇଥିବା ବେଳେ ଅନ୍ୟ ଏକ ଘଟଣାରେ ଯାନ୍ତ୍ରିକତ୍ରୁଟି ଯୋଗୁଁ ରାସ୍ତା କଡ଼ରେ ଛିଡ଼ା ହୋଇଥିବା ଟ୍ରକକୁ ଏକ କାର ଧକ୍କା ଦେଇଛି।
ପ୍ରକାଶଯେ,ଶୁକ୍ରବାର ରାତିରେ ବଙ୍ଗାଳୀସାହି ନିକଟରେ କେଏ୦୧ଏମଜେ୮୦୯୭ ନମ୍ୱର ଟ୍ରକ୍ ଯାନ୍ତ୍ରିକ ତ୍ରୁଟିଯୋଗୁଁ ରାସ୍ତା କଡ଼ରେ ଛିଡ଼ା ହୋଇଥିଲା। ଏହି ସମୟରେ ନନ୍ଦନକାନନ ପଟୁ ବାରଙ୍ଗ ଅଭିମୁଖେ ଆସୁଥିବା ଓଡ଼ି୦୨ସିସି୯୮୯୬ ନଂ କାରଟି ଟ୍ରକକୁ ପଛରୁ ଧକ୍କା ଦେଇଥିଲା। ଏଥିରେ କାରର ସମ୍ମୁଖଭାଗ ଭାଙ୍ଗି ଯାଇଥିବା ବେଳେ ଚାଳକ ଜଣକ ଗୁରୁତର ଆହତ ହୋଇଥିଲେ। ସେହିପରି ଗୋଡ଼ିସାହି ନିକଟ କେନାଲବନ୍ଧ ରାସ୍ତାରେ ବାରଙ୍ଗ ପଟୁ ବାଙ୍କୀ ଅଭିମୁଖେ ଯାଉଥିବା ଓଆର୦୫ଜେଡ୩୦୫୬ ନଂ ମୋଟର ସାଇକେଲକୁ ବିପରୀତ ଦିଗରୁ ଆସୁଥିବା ଓଡି୦୨ସିଇ୭୭୨୨ ନଂ କାରଟି ମୁହାଁମୁହିଁ ଧକ୍କା ଦେଇଥିଲା। ଏଥିରେ ମୋଟର ସାଇକେଲ ଚାଳକଙ୍କ ଗୋଡ଼ରେ କାରଟି ଚଢ଼ି ଯାଇଥିଲା। ଫଳରେ ଚାଳକ ଜଣକ ଗୁରୁତର ହୋଇଥିଲେ। ଉଭୟ ଘଟଣାରେ ପୋଲିସ ସୂଚନା ପାଇ ଘଟଣାସ୍ଥଳରେ ପହଞ୍ଚି ଗୁରୁତର ଆହତଙ୍କୁ ଚିକିତ୍ସା ପାଇଁ ପଠାଇଥିଲେ। ଏହି ଘଟଣାରେ କାହାର ପରିଚୟ ମିଳିପାରିନାହିଁ। ସେପଟେ ପୋଲିସ ଦୁର୍ଘଟଣାଗ୍ରସ୍ତ ଗାଡ଼ିଗୁଡ଼ିକୁ ଜବତ କରି ତଦନ୍ତ ଚଳାଇଛି।(ଜିତରାଉତଙ୍କ ରିପୋର୍ଟ)
- Advertisement -
