କଟକ, ୩/୨(ଏସଏସନିଉଜ) କଟକ ବିଡାନାସୀ ଥାନା ଅନ୍ତର୍ଗତ ଭୁଆଶୁଣୀ ନିକଟ ମହାନଦୀ ପଠାରୁ ଜଣେ ଯୁବକଙ୍କ ରକ୍ତାକ୍ତ ମୃତଦେହ ଉଦ୍ଧାର କରିଛି ପୁଲିସ । ମୃତକଙ୍କ ମୁଣ୍ଡରେ ଛେଚା ଯାଇଥିବା କୁହାଯାଉଛି।ମୃତ ଯୁବକ ହେଉଛନ୍ତି ବିହାର ନିବାସୀ ଆଜାଦ ଯାଦବ (୨୮) ।ସେ ଇଣ୍ଟେରିୟର କାମ କରୁଥିଲେ । ସେ କାମକରୁଥିବା ଠିକାଦାରପାଖକୁ ବକେୟା ଥିବା ଟଙ୍କା ଆଣିବାକୁ କଟକ ଆସି ଫେରିନଥିବାର ପୋଲିସ ସନ୍ଦେହ କରୁଛି ।ତେବେ ଆଜାଦ ଯାଦବ ନିଖୋଜ ହୋଇଥିବାନେଇ ପରିବାର ଲୋକ ୨୬ ତାରିଖରେ ସହିଦନଗର ଥାନାରେ ଅଭିଯୋଗ କରିଥିଲେ । କିନ୍ତୁ ମୃତଦେହର ପାରିପାର୍ଶ୍ବିକ ଅବସ୍ଥା ହତ୍ୟା କରାଯାଇଥିବାର ଅନୁମାନ କରଯାଉଥିବାବେଳେ ପକୃତ କାରଣ ଜାଣିବାକୁ ପୋଲିସ ତଦନ୍ତ ଆରମ୍ଭ କରିଛି ।
- Advertisement -
