ମେଣ୍ଢାଶାଳ,୬।୬(ଏସଏସନିଉଜ)ମେଣ୍ଢାଶାଳ ଗ୍ରା:ପ କାର୍ଯ୍ୟାଳୟ ପରିସରରେ ରମାଦେବୀ ମହିଳା ବିଶ୍ୱବିଦ୍ୟାଳୟ ଆନୁକୂଲ୍ୟରେ ପରିବେଶ ସୁରକ୍ଷା ଓ ସ୍ୱଚ୍ଛଭାରତ କର୍ମଶାଳା ଅନୁଷ୍ଠିତ ହୋଇଯାଇଛି l ରମାଦେବୀ ମହିଳାବିଶ୍ୱବିଦ୍ୟାଳୟ ତରଫରୁ ଜିଲ୍ଲା ସଂଯୋଜକ ଡ଼ଃ ରେବତୀକାନ୍ତ ମହାରଣା, ଏନଏସଏସ ର ଡ଼ଃ ସୁଶାନ୍ତ କୁମାର ପଟ୍ଟନାୟକ, ଯୁବ ରେଡକ୍ରସର ଡ଼ଃ ବିମଳାପାତ୍ର ପ୍ରମୁଖ କର୍ମଶାଳାରେ ଯୋଗଦେଇ ଉପସ୍ଥିତ ଗ୍ରାମବାସୀମାନେ ନିଜ ପରିବାରର ସ୍ୱଚ୍ଛତା ଗୃହର ସ୍ୱଚ୍ଛତା ଓ ସର୍ବୋପରି ଗ୍ରାମର ସ୍ୱଚ୍ଛତା ରକ୍ଷା କରିବାକୁ ପରାମର୍ଶ ପ୍ରଦାନ କରିଥିଲେ।ଗ୍ରାମବାସୀମାନେ ସଂକ୍ରମିତ ରୋଗରୁ ରକ୍ଷାପାଇବା ଉପରେ ଆଲୋଚନାପାତ କରିଥିଲେ । ବର୍ତମାନ ସମାଜରେ ବୃକ୍ଷରୋପଣର ଆବଶ୍ୟକତା ଉପରେ ଗୁରୁତ୍ୱ ଆରୋପକରିଥିଲେ ।ସରପଞ୍ଚ କୌଶଲ୍ୟା ବଳିୟାରସିଂହ ଗ୍ରାମପଂଚାୟତର ସମସ୍ତ ୱାର୍ଡ଼ସଭ୍ୟ, ନାଏବସରପଞ୍ଚ ଉପସ୍ଥିତ ରହି ବୃକ୍ଷରୋପଣ କରିଥିବା ଦେଖା ଯାଇଥିଲା।ଏହି କର୍ମଶାଳାରେ ରମାଦେବୀ ମହିଳାମହାବିଦ୍ୟାଳୟର ବହୁ ଛାତ୍ରୀ ଯୋଗଦେଇଥିଲେ।
(ପଦ୍ମଚରଣ ବଡ଼ଜେନାଙ୍କ ରିପୋର୍ଟ)
- Advertisement -
