ଭବାନୀପାଟଣା,୫/୨(ଏସଏସନିଉଜ) ଖବର ସଂଗ୍ରହ ପାଇଁ ଯାଇଥିବାବେଳେ ମଦନପୁର ରାମପୁର ଅଞ୍ଚଳରେ ଆଜି ପୂର୍ବାହ୍ନରେ ଲ୍ୟାଣ୍ଡମାଇନ୍ ବିସ୍ଫୋରଣରେ ସାମ୍ବାଦିକ ରୋହିତ ବିଶ୍ବାଳଙ୍କର ମୃତ୍ୟୁ ଘଟିଥିବା ଜଣାପଡ଼ିଛି। ମାଓବାଦୀମାନେ ଡମକର୍ଲାଖୁଣ୍ଟା ମାଣିକେରା ମଧ୍ୟରେ ଜଙ୍ଗଲରେ ପୋଷ୍ଟର ଓ ବ୍ୟାନର ଲଗାଇଥିବାର ସୁଚନା ପାଇ ଖବର ସଂଗ୍ରହ ପାଇଁ ଯାଇଥିଲେ। ଅରଖକୁପା ଛକ ନିକଟ ଦୁଲେନ୍ ଗାଁ ଜଙ୍ଗଲକୁ ଯାଇ ଖବରସଂଗ୍ରହ କରୁଥିବା ବେଳେ ପୂର୍ବାହ୍ନ ୧୧ଟା ୩୦ରେ ଲ୍ୟାଣ୍ଡମାଇନ୍ ବିସ୍ଫୋରଣ ହୋଇଥିଲା। ପ୍ରଚଣ୍ଡ ଶଦ୍ଦ ଶୁଣି ଦୁଲେନ୍ ଗାଁର ଲୋକେ ଘଟଣାସ୍ଥଳରେ ପହଞ୍ଚିବା ପୁର୍ବରୁ ଛଟପଟ ହୋଇ ପ୍ରାଣ ହାରିଥିଲେ ରୋହିତ ।ଖବର ପାଇ ପୋଲିସ ଘଟଣାସ୍ଥଳରେ ପହଁଚି ମୃତଦେହକୁ ଜବତ କରି ପୋଷ୍ଟମର୍ଟମ ପାଇଁ ପଠାଇଛି।
- Advertisement -
