କାଳିଆପାଣି ,୬ା୬(ଏସଏସନିଉଜ) ଘର ପାଖ ଅଗଣାରେ ଖେଳୁଥିଲେ ୨ ଭଉଣୀ। ହଠାତ୍ ପାଚେରି ଭାଙ୍ଗି ସେମାନଙ୍କ ଉପରକୁ ମାଡ଼ି ଯାଇଥିଲା ଟ୍ରକ୍। ଏଥିରେ ବଡ଼ ଭଉଣୀ ପ୍ରିୟଦର୍ଶିନୀ ମହାନ୍ତି(୧୨)ଙ୍କର ଶୋଚନୀୟ ମୃତ୍ୟୁ ହୋଇଥିବାବେଳେ ସାନଭଉଣି ସୌମ୍ୟା ଶୁଭଦର୍ଶିନୀ(୯) ଏବେ ଚିକିତ୍ସାଧୀନ ଅଛନ୍ତି।ଯାଜପୁର ଜିଲ୍ଲା କାଳିଆପାଣି ଥାନା ଖଣିଅଞ୍ଚଳ ମୁଖ୍ୟରାସ୍ତା ଟମକା-ମଙ୍ଗଳପୁର ସଡ଼କ ପାର୍ଶ୍ବସ୍ଥ ସାରୁଆବିଲ ତାରିଣୀପୀଠ ପାଖ ପ୍ରଶାନ୍ତ କୁମାର ମହାନ୍ତିଙ୍କ ଘର ଅଗଣାରେ ଏହି ଘଟଣା ଘଟିଛି । ମୃତ ବାଳିକା ଦୈତାରୀ ଖଣି ଆଦର୍ଶ ବିଦ୍ୟାଳୟର ସପ୍ତମ ଶ୍ରେଣୀ ଛାତ୍ରୀ ଥିଲୋଦୁର୍ଘଟଣାପରେ ଗୁରୁତର ଆହତ ୨ଝିଅଙ୍କୁ ଚିକିସ୍ାପାଇଁ ଡାକ୍ତରଖାନାରେ ଭର୍ତିକରାଯାଇଥିବାବେଳେ ବଡଝିଅର ମୃତ୍ୟୁ ହୋଇଥିବାବେଳେ ସାନଝିଅ ଏବେ ଚିକିତ୍ସାଧୀନ ଅଛି । ଦୁର୍ଘଟଣା ପରେ ପାଖରେ ଥିବା ପୋଲତଳକୁ ଟ୍ରକ୍ ଓଲଟି ପଡ଼ିଥିଲା। ସ୍ଥାନୀୟ ଲୋକେ ନିଶାସକ୍ତ ଡ୍ରାଇଭର ରାମ ମୁଣ୍ଡା(୨୦)କୁ ଏକ ଗଛରେ ବାନ୍ଧି ପୁଲିସକୁ ଖବର ଦେଇଥିଲେ।ତେବେ ମୃତ ଝିଅର ଅଙ୍ଗଦାନ ପାଇଁ ଏହି ଦମ୍ପତି ଜିଲ୍ଲା ସ୍ବାସ୍ଥ୍ୟ ବିଭାଗ ସହ ଯୋଗାଯୋଗ କରୁଥିବାର ଜଣାପଡିଛି ।
- Advertisement -
