ଭଦ୍ରକ,୨୬/୩(ଏସଏସନିୁଜ)ତିହିଡ଼ି ବ୍ଲକ ଶ୍ୟାମସୁନ୍ଦରପୁର ପଞ୍ଚାୟତ ପାଶ୍ୱର୍ରେ ଥିବା ଗେଙ୍ଗୁଟିର ଶାଖା ନଦୀରେ ଢ଼ାଛଜାଲରେ ପଡିଛି କୁମ୍ଭୀର ।କିଛି ମାଛଧରାଳୀ ନଦୀରେ ମାଛ ଧରୁଥିବାବେଳେ କୁମ୍ଭୀରଟି ଜାଲରେ ପଡିବା ସହ ଜଣେ ମାଛଧରାଳିଙ୍କ ଗୋଡକୁ କାମୁଡି ଦେଇଥିଲା ।ଫଳରେ ମାଛଧରାଳୀ ଶ୍ୟାମସୁନ୍ଦରପୁର ଗ୍ରାମର ଗଗନ ଦାସ ଗୁରୁତର ଆହତ ହୋଇ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି ହୋଇଛନ୍ତି । ସାଥିମାନଙ୍କ ସହ ଶୁକ୍ରବାରଦିନ ଗଗନ ମାଛମାରିବାକୁ ନଦୀକୁ ଯାଇଥିବାବେଳେ ଗଗନର ଜାଲରେ କୁମ୍ଭୀରଟି ପଡିଥିଲା ।ତେବେ ଖବର ପାଇ ବନବିଭାଗ ଆସି ଜାଲରୁ କୁମ୍ଭୀରକୁ ଉଦ୍ଧାର କରି ବୈତରଣୀ ନଦୀର ଛାଡିଥିବାର ଜଣାପଡିଛି ।
- Advertisement -
