ସମ୍ବଲପୁର,୫/୫(ଏସଏସନିଉଜ) ମଙ୍ଗଳବାର ଦିନ ମହୁଲ ବେଆଇନ୍ ଭାବେ ଚୋରା ଚାଲାଣ କରୁଥିବା ସୂଚନା ପାଇବା ପରେ ଚଢ଼ଉ କରି ଶାସନ ଥାନା ପୁଲିସ ଜଣେ ବ୍ୟବସାୟୀ ଓ ଜଣେ ଟ୍ରକ୍ ଚାଳକଙ୍କୁ ଗିରଫ କରିଛି ।ଅଇଁଲାମାଳର ବୈଦ୍ୟନାଥ ସ୍ବାଇଁ ବେଆଇନ ଭାବେ ମହୁଲ ଫୁଲ ଘରେ ରଖି ଝାରସୁଗୁଡ଼ା ଚାଲାଣ କରିବା ପାଇଁ ଏକ ଟ୍ରକ୍ରେ ବୋଝେଇ କରୁଥିବାର ଖବର ପାଇ ପୁଲିସ ଚଢ଼ଉ କରିଥିଲା। ଚଢ଼ଉବେଳେ ଖୁଣ୍ଟାପାଲି ନିକଟରେ ୨୧,୬୫୦ କେଜି ମହୁଲ ଫୁଲ ବୋଝେଇ ଓଆର୍ ୧୪ ଏସ୍ ୩୨୦୨ନଂ ଟ୍ରକ୍କୁ ଜବତ କରିବା ସହ ବ୍ୟବସାୟୀ ବୈଦ୍ୟନାଥ ସ୍ବାଇଁ ଓ ଟ୍ରକ୍ ଚାଳକ ରାଉରକେଲା ବଣ୍ଡାମୁଣ୍ଡାର ସୁରେଶ ଯାଦବଙ୍କୁ ଗିରଫ କରିବାରେ ସକ୍ଷମ ହୋଇଛି ।ଏଥିସହ ପୋଲିସ ବୈଦ୍ୟନାଥଙ୍କ ଘରେ ଚଢ଼ଉ କରି ୩୦୫୫ କେଜି ମହୁଲ ଫୁଲ ଏବଂ ଏକ ଓଜନ ଯନ୍ତ୍ର ଜବତ କରିଛି ।
- Advertisement -
