ବାରଙ୍ଗ, ୧୯/୧୧(ଏସଏସନିଉଜ)ଏକ ମାର୍ବଲ ଦୋକାନରୁ ବିଭିନ୍ନ ଉପକରଣ ଚୋରି କରିବା ଅଭିଯୋଗରେ ବାରଙ୍ଗଥାନା ପୁଲିସ ଦୁଇଜଣଙ୍କୁ ଗିରଫ କରି ମଙ୍ଗଳବାର କୋର୍ଟଚାଲଣ କରିଛି।
ସେମାନେ ହେଲେ ବ୍ରାହ୍ମଣୀଗାଁର ସିନୁ ଭୋଇ ଓ ବିହାରର ରବି ଗୁପ୍ତା।
ପ୍ରକାଶ ଯେ, ପଦ୍ମନାଭନଗର ବଜାର ଛକରେ ବାଲଗୋପାଳ ଇନଫା ନାମକ ଥିବା ମାର୍ବଲ ଦୋକାନର ବିଭିନ୍ନ ଘରୋଇ ଉପକରଣ ଗତ ୯ତାରିଖ ରାତିରେ ଚୋରୀ ହୋଇଥିଲା।ଏନେଇ ଦୋକାନ ମାଲିକ ବିଜୟ କୁମାର ଶର୍ମା ପରଦିନ ବାରଙ୍ଗ ଥାନାରେ ଲିଖିତ ଅଭିଯୋଗ କରିବା ପରେ ପୋଲିସ ୪୩୬/୨୪କେଶ ନମ୍ୱରରେ ଏକ ମକଦ୍ଦମା ରୁଜୁ କରି ତଦନ୍ତ ଆରମ୍ଭ କରିଥିଲେ।ବିଶେଷସୂତ୍ରରୁ ଖବର ପାଇ ପୋଲିସ ସୋମବାର ରାତିରେ ବ୍ରାହ୍ମଣୀଗାଁ ଭୋଇସାହିକ୍ଳବ ଘରେ ସିନୁ ଭୋଇ(୨୩) ସୋଇଥିବାବେଳେ ତାକୁ ଧରିବାରେ ସକ୍ଷମ ହୋଇଥିଲେ।ସିନୁକୁ ପଚରାଉଚରା ପରେ ସେ ଚୋରିସାମଗ୍ରୀଷଣ୍ଢପୁର ସ୍ଥିତ ଏକ କବାଡିବାଲାକୁ ବିକ୍ରୀ କରିଥିବାର ପୋଲିସ ଆଗରେ ସ୍ବୀକାର କରିଥିଲା ।ପରେ ପୋଲିସ ଚୋରୀସାମଗ୍ରୀ ରଖିଥିବା ଆଧାରରେ କବାଡିବାଲା ରବି ଗୁପ୍ତା(୨୨) ନାମକ ବ୍ୟକ୍ତିଙ୍କୁ ଗିରଫକରି ମଙ୍ଗଳବାରଦିନ କୋର୍ଟଚାଲଣ କରିଛି।(ଜିତ ରାଉତଙ୍କ ରିପୋର୍ଟ)
- Advertisement -
