ଭୁବନେଶ୍ୱର,୯ା୯(ଏସଏସନିଉଜ)ବାତ୍ୟା ‘ୟାଗି’ ଚାଇନାର ମେରୁଦଣ୍ଡକୁ ଦୋହଲାଇଦେଇଛି । ଘଣ୍ଟା ପ୍ରତି ୨୨୩ କିଲୋମିଟର ପବନର କରାଳ ରୂପରେ ଗ୍ରାସି ଚାଲିଛି ।ବଡବଡଗଛ ଉପୁଡିପଡିବାସହ ବଡ଼ ବଡ଼ ଅଟ୍ଟାଳିକା ମଧ୍ୟ ଭାଙ୍ଗୁଛି ।ଏହାର ପ୍ରଭାବରେ କେତେ ଜଣ ଲୋକଙ୍କ ମୃତ୍ୟୁ ହୋଇଛି ତାହା ସଠିକ୍ ଭାବେ ରିପୋର୍ଟ ପ୍ରକାଶ ପାଇନାହିଁ । ହେଲେ ବହୁ ଲୋକ ଆହତ ଓ ମୃତାହତ ହୋଇଥିବା ଆଶଙ୍କା କରାଯାଉଛି । ଦକ୍ଷିଣ ଗୁଆଙ୍ଗଡୋଙ୍ଗ୍ ପ୍ରଦେଶ ସହ ଏହାର ଆଖପାଖ ହଂକଂ, ଶେନଜେନ୍ ଏବଂ ମାକାଉରେ ସବୁକିଛି ଛାରଖାର କରିଥିଲା ବାତ୍ୟା ‘ୟାଗୀ’ । ୮ ଲକ୍ଷ ୩୦ ହଜାରରୁ ଅଧିକ ଘର ଏହି ବାତ୍ୟାରେ ପ୍ରଭାବିତ ହୋଇଛି । ଅନେକ ଲୋକ ଜଳବନ୍ଦୀ ଜୀବନ ମଧ୍ୟ କାଟିବାସହ ସ୍ଥିତିକୁ ସୁଧାର ଆଣିବାକୁ ସରକାର ଚେଷ୍ଟା କରୁଛନ୍ତି । ବାତ୍ୟାର ଲ୍ୟାଣ୍ଡଫଲ ପୂର୍ବରୁ ୪ଲକ୍ଷ ଲୋକଙ୍କୁ ସ୍ଥାନାନ୍ତର କରାଯାଇଥିବାବେଳେ ଶିକ୍ଷାନୁଷ୍ଠାନଠୁ ଆରମ୍ଭକରି ସମସ୍ତ ଅଫିସଗୁଡ଼ିକୁ ବନ୍ଦକରିବାକୁ ସରକାରପକ୍ଷରୁ ନିଦେ୍ର୍ଦଶ ଦିଆଯାଇଛି ।
- Advertisement -
