ଆସିକା, ୧୩/୩(ଏସଏସନିଉଜ) ଗଞ୍ଜାମ ଜିଲ୍ଲା ଆସ୍କାରେ ନିର୍ବାଚନର ପରବର୍ତ୍ତୀ ସମୟରେ ରକ୍ତପାତ ଘଟିଛି । ନିର୍ବାଚନରେ ପରାଜିତ ଗୋଷ୍ଠୀର ମରଣାନ୍ତକ ଆକ୍ରମଣରେ ବିଜୟୀ ଗୋଷ୍ଠୀ ଜଣେ ଯୁବକ ପ୍ରାଣ ହରାଇଥିବା ସୂଚନା ମିଳିଛି। ଗାଙ୍ଗପୁର ଥାନା ଅଧୀନ କେନ୍ଦୁପଦର ଗ୍ରାମରେ ଶନିବାର ରାତିରେ ଏପରି ଘଟିଛି ।ଏହି ଆକ୍ରମଣରେ ଅବିନାଶ ବରାଡ଼, ଦୁର୍ଗାପ୍ରସାଦ ପାଣିଗ୍ରାହୀ ଓ ବଳରାମ ପଲେଇ ତିନି ଜଣ ଗୁରୁତର ଆହତ ହୋଇ ଆସିକା ଡାକ୍ତରଖାନାରେ ଭର୍ତ୍ତି କରାଯାଇଛି । ଆକ୍ରମଣରେ ସଂକଟାପନ୍ନ ବୁଲୁ ସ୍ବାଇଁ ଓ ଅନ୍ୟ କେତେଜଣ ନିଖୋଜ ଥିବାର ଜଣାପଡିଛି । ସେହିପରି ବିଜୟୀ ଗୋଷ୍ଠୀର ୧୦ରୁ ଅଧିକ ବାଇକ୍କୁ ବି ପ୍ରତିପକ୍ଷ ଗୋଷ୍ଠୀ ଭାଙ୍ଗିଦେଇନ୍ତି। ଆସିକା ଓ ଗାଙ୍ଗପୁର ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି।
- Advertisement -
