ବାରଙ୍ଗ,୭/୧୧(ଏସଏସନିଉଜ)ସ୍ଥାନୀୟ କୁଞ୍ଜବିହାରୀ ମହାବିଦ୍ୟାଳୟରେ ସପ୍ତାହବ୍ୟାପି ବିଭିନ୍ନ ବିଭାଗୀୟ ସେମିନାର ଜାରି ରହିଛି। ଏହିକ୍ରମରେ ଗୁରୁବାର ଦିନ ଅର୍ଥନୀତିବିଭାଗର “ଭାରତରେ ବିଭିନ୍ନ ଦାରିଦ୍ର୍ୟ ଦୂରୀକରଣ କାର୍ଯ୍ୟକ୍ରମର ପ୍ରଭାବଶୀଳତା ” ବିଷୟରେ ଆଲୋଚନା କରାଯାଇଛି।ଆଜିର ଏହିଆଲୋଚନାରେ ଅଧକ୍ଷା ଡ଼.ଲିପିପୁଷ୍ପା ନାୟକ ସଭାପତିତ୍ୱ କରିଥିବା ବେଳେ ଅର୍ଥନୀତି ବିଭାଗର ପୂର୍ବତନପ୍ରାଧ୍ୟାପକ କମଳ କୁମାର ପାଣି ଏହି ସନ୍ଦର୍ଭରେ ବିଭିନ୍ନ ଦିଗକୁ ନେଇ ଆଲୋଚନା କରିଥିଲେ।ଡ଼.ମାନସରଞ୍ଜନ ଦାଶମିଶ୍ର ସଂକ୍ଷିପ୍ତ ବିବରଣୀ ପ୍ରଦାନ କରିଥିଲେ। ଛାତ୍ରଛାତ୍ରୀ ମାନେ ମଧ୍ୟ ସେମାନଙ୍କର ସନ୍ଦର୍ଭପାଠ କରିଥିଲେ। ଅନ୍ୟମାନଙ୍କ ମଧ୍ୟରେ ବିଭାଗୀୟ ମୁଖ୍ୟ ପ୍ରାଧ୍ୟାପକ ପ୍ରାଣୟିନୀ ମିଶ୍ର, ଅଧ୍ୟାପକ କିଶୋର ଚନ୍ଦ୍ର ସାହୁ ଆଲୋଚନାରେ ଭଗନେଇଥିବା ବେଳେ ଅଧ୍ୟାପିକା ଲଷ୍ମୀପ୍ରିୟା ବିଶ୍ୱାଳ ଧନ୍ୟବାଦ ପ୍ରଦାନ କରିଥିଲେ।