ବାରଙ୍ଗ,୮/୧୦(ଏସଏସ ନିଉଜ) ବିବାଦର ପିଛା ଛାଡୁନାହିଁ ନନ୍ଦନକାନନ।କେତେବେଳେ ଜୀବଜନ୍ତୁମାନଙ୍କ ମୃତୁ, ଉନୟନ କାର୍ଯ୍ୟର ମାନ ନିମ୍ନମାନର, କେତେବେଳେ ଅଫିସରମାନେ ନନ୍ଦନକାନନ ଛାଡିବାକୁ ଇଛା ନକରିବା ,ନୂଆ ଜୀବଜନ୍ତୁ ନଆସିବା ତ କେତେବେଳେ ଠିକାଦାର ପ୍ରତି ଅହେତୁକ ଅନୁକମ୍ପା ଦେଖାଇବା ଆଦି ବିବାଦ ମଧ୍ୟରେ ଛନ୍ଦି ହୋଇପଡିଛି ନନ୍ଦନକାନନ।ଏହାରି ଭିତରେ ଘରୋଇକରଣ ରେ ନେଇ ବ୍ୟବସାୟ କରୁଥିବା ଠିକାଦାର ଏବେ ନନ୍ଦନକାନନ ପାଇଁ ଚିନ୍ତାର କାରଣ ପଲଟିଛି।
ଶନିବାର ଦିନ ଏମିତି ଏକ ଘଟଣା ଘଟିଛି।ସଫରିରେ ଯିବାକୁ ନେଇ ପର୍ଯ୍ୟଟକ ଓ ସଫାରି କର୍ମଚାରୀ ମଧ୍ୟରେ ପାଟିତୁଣ୍ଡ ହୋଇଛି।ଠିକ ସମୟରେ ପୋଲିସ ପହଂଚିବାରୁ ଏକ ବଡଧରଣର ଗଣ୍ଡଗୋଳକୁ ରୋକାଯାଇ ପାରିଥିଲା।
ଦୀର୍ଘ ସାଢେ୪ମାସ ବ୍ୟବଧାନ ପରେ ପୁଣି ଥରେ ସଫାରୀକୁ ନେଇ ବିବାଦ ଦେଖାଯାଇଛି।
ପ୍ରଥମେ ଠିକାଦାର ଟେଣ୍ଡର ସର୍ତ୍ତ ଖିଲାପ କରି ବିନାକାଗଜ ପତ୍ରରେ ବିପଦସଙ୍କୁଳ ଅବସ୍ଥାରେ ସଫାରି ବସ ଚଳାଇବା ଓ ଅନେକ ସମୟରେ ପର୍ଯ୍ୟଟକଙ୍କୁ ମାଡ ମାରି ଲହୁଲୁହାଣ କରିବା ଆଦି ଘଟଣା ନନ୍ଦନକାନନ ପାଇ ଚିନ୍ତାର କାରଣ ସାଜିଥିଲା।
ଶନିବାର ପୁଣି ସଫାରୀବସରେ ବସିବା ବିଳମ୍ବକୁ ନେଇ ପର୍ଯ୍ୟଟକ ଓ ସଫାରୀ କର୍ମଚାରୀଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ୧୩ଜଣ ବଙ୍ଗୀୟ ପର୍ଯ୍ୟଟକ ସଫାରୀରେ ବୁଲିବା ପାଇଁ ଟିକଟ କାଟି ଧାଡିରେ ଛିଡାହୋଇ ସଫାରୀବସକୁ ଅପେକ୍ଷା କରିଥିଲେ।ପ୍ରାୟ ଦେଢଘଣ୍ଟାକାଳ ଅପେକ୍ଷା କରିବା ପରେ ସଫାରୀ ବୁଲିବା ପାଇଁ ସୁଯୋଗ ମିଳିନଥିଲା।ଏହାକୁ ନେଇ ସଫାରୀ କର୍ମଚାରୀ ସହ ଯୁକ୍ତିତର୍କ ହୋଇଥିଲା।ଏଥିରେ ଉତ୍କ୍ଷିପ୍ତ ହୋଇ ସଫାରୀ କର୍ମଚାରୀ ମାନେ ପର୍ଯ୍ୟଟକଙ୍କୁ ଠେଲାପେଲା କରିଥିଲେ।ଖବରପାଇ ନନ୍ଦନକାନନ ଥାନା ପୁଲିସ ଘଟଣାସ୍ଥଳରେ ପହଞ୍ଚି ଉଭୟଙ୍କୁ ବୁଝାସୁଝା କରି ଆପୋଷ ସମାଧାନ କରିବାପରେ ପରିସ୍ଥିତି ଶାନ୍ତ ପଡିଥିଲା ।ପରେ ପର୍ଯ୍ୟଟକ ମାନେ ସଫାରୀବସରେ ବସି ବୁଲିବାକୁ ଯାଇଥିଲେ।ଏ ସଂକ୍ରାନ୍ତରେ ନନ୍ଦନକାନନ ଥାନା ଅଧିକାରୀ ବିଶ୍ବରଞନ ନାୟକଙ୍କୁ ପଚାରିବାରୁ ସେ କହିଲେ ସାମାନ୍ୟ ପାଟିତୁଣ୍ଡ ହୋଇଥିଲା।ଖବରପାଇ ପୁଲିସ ହସ୍ତକ୍ଷେପ ପରେ ଆପୋଷ ସମାଧାନ ହୋଇଛି।