ବାରଙ୍ଗ,୧।୩(ଏସଏସନିୟୁଜ୍)ଶନିବାର ରାତି ସାଢ଼େ ୯ଟା ସୁଦ୍ଧା ତ୍ରିଶୂଲିଆ ନିକଟସ୍ଥ ସୁବାସ ସେତୁ ଉପରେ ପୋଲିସ ଗାଡି ଏକ ବାଇକ୍ କୁ ମୁହାଁ ମୁହିଁ ଧକ୍କା ଦେଇଛି।ଫଳରେ ବାଇକ୍ ଚାଲକ ଓ ବାଇକ ରେ ବସିଥିବା ଅନ୍ୟ ଜଣେ ଯୁବକ ଗୁରୁତର ଆହାତ ହୋଇଛନ୍ତି।
ପ୍ରକାଶ ଯେ,ଓଡି ୦୫- ବିଏ -୫୫୦୮ ନମ୍ୱର ପୋଲିସ ଗାଡିଟି ଦୃତଗତିରେ କଟକ ପଟରୁ ଶନିବାର ରାତିରେ ଭୁବନେଶ୍ୱର ପଟକୁ ଆସୁଥିଲା।ଏହି ସମୟରେଓଡି ୧୫ଆର – ୦୧୭୭ନମ୍ୱର ବାଇକ୍ ରେ ଦୁଇଜଣ କଟକ ପଟକୁ ଯାଉଥିଲେ।ସୁବାସ ସେତୁ ଉପରେ ଉଭୟ ପହଞ୍ଚିଥିବା ବେଳେ ପୋଲିସ ଗାଡି ଆସି ବାଇକକୁ ମୁହାଁ ମୁହିଁ ଧକ୍କା ଦେଇଥିଲା।ଯାହାଫଳରେ ବାଇକ୍ ଚାଲକ ଓ ପଛରେ ବସିଥିବା ଯୁବକ ବାଇକ୍ ରୁ ଛିଟିକି ପଡ଼ି ରକ୍ତାକ୍ତ ହୋଇ ରାସ୍ତା ଉପରେ ପଡ଼ିଥିଲେ।ଏହି ଘଟଣା ପରେ ସେତୁ ଉପରେ ଟ୍ରାଫିକ ସମସ୍ୟା ଦେଖାଦେଇଥିଲା।ଖବରପାଇ ବାରଙ୍ଗଥାନା ପୋଲିସ ଘଟଣାସ୍ଥଳରେ ପହଂଚି ଆହତ ଦୁଇଜଣଙ୍କୁ ଚିକିତ୍ସା ପାଇଁ ଡାକ୍ତରଖାନାକୁ ପଠାଇଥିଲେ।ଦୁର୍ଘଟନା ଗ୍ରସ୍ତ ଗାଡି ଦୁଇଟିକୁ ପୋଲିସ ଜବତ କରିବା ସହ ପୋଲିସ ଗାଡିରେ ଥିବା ୩ଜଣଙ୍କୁ ସାଙ୍ଗରେ ନେଇ ଫେରିଥିଲା।