ଭୁବନେଶ୍ବର,୨ା୧(ଏସଏସନିଉଜ)ମା ସାମ୍ନାରେ ଟ୍ରକ ଧକ୍କାରେ ଲିଭିଗଲା କୁନି ପୁଅର ଜୀବନ । ଏଭଳି ଏକ ହୃଦୟ ବିଦାରକ ଦୁଃଖଦ ଘଟଣା ମୟୂରଭଞ୍ଜ ଜିଲ୍ଲାର ଯଶିପୁର ଅଞ୍ଚଳରେ ଘଟିଛି । ମାଆ ଓ ସାତ ବର୍ଷର ପୁଅ ଏକ ସ୍କୁଟି ଯୋଗେ ଯଶିପୁର ବଜାରର ୪୯ ନଂ ଜାତୀୟ ରାଜପଥ ଦେଇ ରରୁଆଁ ପଟକୁ ଯାଉଥିଲେ ।ଏହିସମୟରେ ଏକ ଲୁହାପଥର ବୋଝେଇ ଟ୍ରକ ସେମାନଙ୍କୁ ଧକ୍କା ଦେଇଥିଲା । ସାତବର୍ଷର ପୁଅ ତଳେ ପଡ଼ିଯିବାରୁ ଟ୍ରକଟି ପୁଅ ଉପରେ ମାଡିଯିବାରୁ ଘଟଣାସ୍ଥଳରେ ହିଁ ପୁଅର ମୃତ୍ୟୁ ଘଟିଛି । ମୃତକ ହେଉଛନ୍ତି ବିଶୋଇଥାନା ନଙ୍ଗଳବେଣ୍ଟା ପୋଖରିଆ ଗ୍ରାମପଞ୍ଚାୟତ ଅନ୍ତର୍ଗତ ଚୁଆକାଙ୍କର ଗ୍ରାମରଜୟପାଲ ପୂର୍ତ୍ତିଙ୍କ ସାତ ବର୍ଷର ପୁଅ ଅଭିନନ୍ଦନ ବୋଲି ଜଣାପଡିଛି । ତେବେ ସୌଭାଗ୍ୟବଶତଃ ମାଆ ବର୍ତ୍ତି ଯାଇଥିବାର ଜଣାପଡିଛି ।ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣା ଘଟାଇଥିବା ଟ୍ରକ ଡ଼୍ରାଇଭରକୁ ଅଟକରଖିଛି ।