ମେଣ୍ଢାଶାଳ ୨୯।୧୨ (ଏସଏସନିଉଜ) ଚନ୍ଦକା ଥାନା ଅନ୍ତର୍ଗତ ଝୁମୁକା ଗ୍ରୀନ୍ ଗାଡେନ୍ ନିକଟରେ ଗାଡି ସାଇଟି କରିବାକୁ ନେଇ ରବିବାର ଗଣ୍ଡଗୋଳ ହୋଇଛି । ଏଥିରେ ଭୁବନେଶ୍ୱର ନୂଆପଲ୍ଲୀର ସରୋଜ କୁମାର ବେହେରା (୨୦) ଆହତ ହୋଇ ମେଣ୍ଢାଶାଳ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ପ୍ରାଥମିକ ଚିକିତ୍ସାପରେ ଥାନାରେ ଅଭିଯୋଗ କରିଛନ୍ତି।
ପୋଲିସ ସୂଚନା ମୁତାବକ ସରୋଜ ତାଙ୍କ ପରିବାର ସହ ଝୁମୁକା ଗ୍ରୀନ୍ ଗାଡେନ୍ ରେ ଭୋଜି କରି ଫେରୁଥିଲେ । ସେହି ରାସ୍ତାରେ କଣ୍ଟାବାଡ ଗ୍ରାମର ଭାବଗ୍ରାହୀ ସାହୁ ନିଜର କାର ନେଇ ଯାଉଥିବା ବେଳେ ସରୋଜର କାର ବିପରୀତ ଦିଗରୁ ଆସୁଥିବା ବେଳେ ଉଭୟଙ୍କ କାର ରାସ୍ତା ଉପରେ ରଖିଥିଲେ ।କେହି କାହାକୁ ସାଇଟି ନଦେବାକୁ ନେଇ ଯୁକ୍ତିତର୍କ ହୋଇଥିଲେ ।ପରେ ଭାବଗ୍ରାହୀ ନିଜର ପୁଅମାନଙ୍କୁ ଫୋନ ମାଧ୍ୟମରେ ଘଟଣାସ୍ଥଳକୁ ଡାକିଥିଲେ ।ସରୋଜ ଓ ତାଙ୍କର ପରିବାର ଲୋକେ ବୁଝାଇବା ପାଇଁ ଚେଷ୍ଟା କରିଥିବା ବେଳେ ଭାବଗ୍ରାହୀଙ୍କ ପୁଅ ରୋହନ ଏବଂ ଚନ୍ଦନ ଏକ ଲୁହା ଛଡ଼ରେ ସରୋଜ କୁ ମରନାତ୍ମକ ଆକ୍ରମଣ କରିଥିଲେ ।ଏଥିରେ ସରୋଜ ଗୁରୁତର ଆହତ ହୋଇଛନ୍ତି ବୋଲି ଚନ୍ଦକା ଥାନାରେ ଲିଖିତ ଅଭିଯୋଗ କରିଛନ୍ତି ।ପୋଲିସ ୪୨୧/୨୧କେସ ନମ୍ୱର ରେ ଏକ ମକଦ୍ଦମା ରୁଜୁକରି ତଦନ୍ତ ଆରମ୍ଭ କରିଛି।