ବାରଙ୍ଗ,୨୮/୯(ଏସଏସନିଉଜ) କୁଞ୍ଜବିହାରି ମହାବିଦ୍ୟାଳୟ ପରିସରରେ ଶନିବାରଦିନ କଲେଜ ପ୍ରତିଷ୍ଠାତା ସ୍ବର୍ଗୀୟ କୁଞ୍ଜବିହାରି ପଣ୍ଡାଙ୍କ ୧୧୪ତମ ଜୟନ୍ତୀ ମହାସମାରୋହରେ ପାଳିତ ହୋଇଯାଇଛି।ସବୁଜପରିବେଶ ଭରା ମହାବିଦ୍ୟାଳୟ ପରିସର ବୃକ୍ଷ ଛାୟାତଳେ ଆୟୋଜିତ ସମାରୋହରେ ମହାବିଦ୍ୟାଳୟ ଅଧକ୍ଷା ଡ଼. ଲିପିପୁଷ୍ପା ନାୟକ ଯୋଗଦେଇ ସ୍ବର୍ଗୀୟ କୁଞ୍ଜବିହାରି ପଣ୍ଡାଙ୍କ ପ୍ରତିମୂର୍ତ୍ତିରେ ପୁଷ୍ପ ଓ ଉତ୍ତରିଅ ଦେଇ ଭକ୍ତିପୂତ ଶ୍ରଦ୍ଧାଞ୍ଜଳି ଅର୍ପଣ କରିବାସହ ସ୍ମୃତି ଚାରଣ କରିଥିଲେ।ଅନ୍ୟମାନଙ୍କ ମଧ୍ୟରେ ପ୍ରାଧ୍ୟାପକ ଡ଼. ସନ୍ତୋଷ କୁମାର ମିଶ୍ର, ଡ଼. ସୁରେନ୍ଦ୍ର କୁମାର ସାହୁ, ଡ଼. ମାନସ ଦାସ ମିଶ୍ର, ପ୍ରକାଶ ପରିଡା, ସୁକାନ୍ତ କୁମାର ରାଉତ, ସେଲିନା ତରାଇ, ଡ଼. ପାରମିତା ପତି, ଡ଼. ପ୍ରବୀର ମହାନ୍ତିଙ୍କ ସମେତ ଶିକ୍ଷକ ଶିକ୍ଷୟିତ୍ରୀ, କର୍ମଚାରୀ ଓ ଛାତ୍ରଛାତ୍ରୀଙ୍କ ଦ୍ୱାରା ପୁଷ୍ପ ଅର୍ପଣ କରାଯାଇ ସମସ୍ତଙ୍କ ମଧ୍ୟରେ ମିଷ୍ଟାନ ବଣ୍ଟନ ମଧ୍ୟ କରଯାଇଥିଲା। ଏହି କାର୍ଯ୍ୟକ୍ରମକୁ ବରିଷ୍ଠ ପ୍ରାଧ୍ୟାପକ ଅନିଲକୁମାରପାଢ଼ୀ ପରିଚାଳନା କରିଥିଲେ।