ଦେଓଗାଁ,୧୬/୩(ଏସଏସନିଉଜ) ବିଦ୍ୟୁତ ତାର ଛିଣ୍ଡି ଘର ଉପରେ ପଡିବାରୁ ଗାଇବାହାଲ ପଞ୍ଚାୟତ ର ରତନପୁର ଗାଁର ଦୁଃଖ ରାଉତଙ୍କ ଗୋଟିଏ ଘର ଜଳିପାଉଁଶ ହୋଇଛି।ଘର ଉପରେ ଯାଇଥିବା ଦୁଇଟି ବିଦ୍ୟୁତ ତାର ଦୁଇଟି ସ୍ପର୍ଶ ହେବାରୁ ନିଆଁ ହୁଲା ବାହାରି ଘର ଚାଳ ଉପରେ ପଡିବାରୁ ଚାଳଘରେ ନିଆଁ ଲାଗିଯାଇଥିଲା ।ଫଳରେ ଘରେ ଥିବା ସବୁ ସାମଗ୍ରୀ ସହ ପାଖରେ ଥିବା ଏକ ଗୁହାଳ ପୋଡିଯାଇଥିଲା ।ଖବର ପାଇ ଦେଓଗାଁ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଥିଲେ। ତେବେ ବିପନ୍ନ ପରିବାରକୁ କ୍ଷତିପୁରଣ ଦେବାକୁ ଗ୍ରାମବାସୀମାନେ ଦାବୀ କରିଛନ୍ତି ।