ଚୌଦ୍ୱାର,୧୭/୩(ଏସଏସନିଉଜ) ଚୌଦ୍ୱାର ଜେଲ ପରିସରରେ ବୁଧବାର ଦିନ ଏକ ନିଆରା ବାହାଘର ହୋଇଯାଇଛି । ଜଣେ ବିଚାରାଧୀନ କଏଦୀ ଓ ପୀଡ଼ିତାଙ୍କର ହାତଗଣ୍ଠି ପଡ଼ିଛି ।ବରହେଲେ ବିଚାରାଧୀନ କଏଦୀ କଟକ ସହର ବାଦାମବାଡ଼ି ଥାନା ଅଧିନ ଖାନନଗରର ଯୁବକ ତାପସ କୁମାର ବେହେରା ଓ କନ୍ୟା କଟକ ପି. ସରକାର ଲେନ୍ ସାହିର ପୀଡ଼ିତା ସୁନୀତା ନାୟକ ।ଉଭୟଙ୍କର ହିନ୍ଦୁଧର୍ମ ମତେ ବୈଦିକ ରୀତି ଅନୁଯାୟୀ ଶୁଭ ବିବାହ ଅନୁଷ୍ଠିତ ହୋଇଥିଲା ।ବିବାହ ପରେ ଏକ ଘୋଷଣା ଚୁକ୍ତିପତ୍ରରେ ଉଭୟ ବର-କନ୍ୟା ସ୍ୱାକ୍ଷର କରିଥିଲେ।ତେବେ ବରକନ୍ୟାଙ୍କ ବିବାହର ସ୍ମୃତି ନିଦର୍ଶନ ଭାବେଉଦେଶ୍ୟରେ ନବଦମ୍ପତି ଜେଲ ପରିସରରେ ଚାରାବୃକ୍ଷ ରୋପଣ କରିଥିଲେ। ଚୌଦ୍ୱାର ଜେଲର ଓ ଉଦ୍ଧାର ଫାଉଣ୍ଡେସନ୍, ଚଣ୍ଡୀ ପ୍ରସାଦ ଫାଉଣ୍ଡେସନ୍ର ମିଳିତ ଉଦ୍ୟମରେ ଏହି ଶୁଭ ବିବାହ କାର୍ୟ୍ୟକ୍ରମ ଅନୁଷ୍ଠିତ ହୋଇଥିଲା ।