ବାରଙ୍ଗ,୧୧/୧୨(ଏସଏସନିଉ ଜ)ବିଜୁପଟ୍ଟନାୟକ ମିନି ଷ୍ଟାଡିୟମରେ ଆରମ୍ଭ ହୋଇଥିବା ୨୧ତମ ସର୍ବ ଭାରତୀୟ ଗଣ୍ଡରପୁର କପ୍ ଫୁଟବଲ୍ ଟର୍ଣ୍ଣମେଣ୍ଟର ବୁଧବାରଥିଲା ଚତୁର୍ଥଦିବସ।ଚତୁର୍ଥ ଦିବସରେ ବିଜେଡିନେତା ତଥା ରାଜ୍ୟ ସମ୍ପାଦକ ସୁବାସ ଚନ୍ଦ୍ର ପାତ୍ର, ବିଜେଡିନେତାସନ୍ତୋଷ ନାଥ,୧ନମ୍ୱର କର୍ପୋରେଟର ମିହିର କୁମାର ରାଉତ,ଗ୍ରାମ୍ୟକମିଟି ସଭାପତି ଭାସ୍କରପଢ଼ିହାରି,ସନ୍ତୋଷ ମହାନ୍ତି,କୈଳାସ ରାଉତ ପ୍ରମୁଖ ଅତିଥିଭାବେ ଯୋଗଦେଇଥିଲେ।ପ୍ରଥମମ୍ୟାଚ ଗ୍ରାମାଞ୍ଚଳ ବି ଡିଭିଜନର ଜୟଦୁର୍ଗା କ୍ଲବ ଆମଣ ଓ ୟୁନିଭର୍ଶାଲ କ୍ଲବ କୁରାଙ୍ଗ ମଧ୍ୟରେ ହୋଇଥିଲା।ଏଥିରେ ଜୟଦୁର୍ଗାକ୍ଲବ ୧-୦ ଗୋଲରେ ୟୁନିଭର୍ଶାଲ କ୍ଲବକୁ ପରାସ୍ତ କରି ସେମି ଫାଇନାଲରେ ପ୍ରବେଶ କରିଛି। ଦିତୀୟମ୍ୟାଚ୍ ଗ୍ରାମାଞ୍ଚଳର ଏ ଡିଭିଜନର ଆରମ୍ଭ ହୋଇଥିଲା।ଏଥିରେ ବନମହାବୀର କ୍ଲବ ଜୟପୁର ୧-୦ ଗୋଲରେ ଆଲମଗିରି ଯୁବକସଂଘ ସାଇଁଶୋକୁ ହରାଇ କ୍ଵାଟର ଫାଇନାଲରେ ପ୍ରବେଶ କରିଛି।କଣ୍ଟୁ ସାମଲ ମ୍ୟାନ ଅଫ ଦି ମ୍ୟାଚ୍ ହୋଇଥିଲେ।ତୃତୀୟ ମ୍ୟାଚରେ ଖୋର୍ଦ୍ଧା ସରଧାପୁର ଫୁଟବଲ୍ କ୍ଲବ ୧-୦ ଗୋଲରେ ମହାବୀର କ୍ଲବ ନରଣପୂର୍ କୁ ହରାଇ କ୍ୱାଟରରେ ପ୍ରବେଶ କରିଛି। ଜଳିଆ ନାୟକକୁ ମ୍ୟାନଅଫଦିମ୍ୟାଚ୍ ଘୋଷଣା କରାଯାଇଥିଲା।ସହରାଞ୍ଚଳର ପ୍ରଥମ ସେମିଫାଇନାଲ ମ୍ୟାଚରେ ସନରାଇଜ କ୍ଲବ,କଟକ ୨-୧ ଗୋଲରେ ସ୍ପୋର୍ଟସ ହଷ୍ଟେଲ କଟକକୁ ହରାଇ ପ୍ରଥମ ଦଳ ଭାବେ ଫାଇନାଲରେ ପ୍ରବେଶ କରିଛି।ଦଳ ପକ୍ଷରୁ ୨୦ନମ୍ୱର ଜର୍ସି ଇନାମୂଲ୍ ହାପିନ ୨ଟି ଗୋଲ ଦେଇ ଦଳକୁ ବିଜୟୀ କରାଇଥିଲେ ଓ ମ୍ୟାନ ଅଫ ଦି ମ୍ୟାଚ ହୋଇ ପୁରସ୍କାର ପାଇଥିଲେ।ଖେଳର ଶେଷ ସମୟରେ ମ୍ୟାଚଟି ବହୁ ଚିତ୍ତାକର୍ଷକ ହୋଇଥିଲା। (ଜ୍ଞାନଜିତ ପ୍ରଧାନଙ୍କ ରିପୋର୍ଟ)