ମାଲକାନଗିରି, ୨୭/୨(ଏସଏସନିଉଜ) ପୁଲିସ ଓ ନକ୍ସଲ ମଧ୍ୟରେ ଗୁଳିବିନିମୟ ୨ ଜଣ ନକ୍ସଲ ନିହତ ହୋଇଥିବା ବେଳେ ବିପୁଳ ପରିମାଣର ମାଓ ସାମଗ୍ରୀ ଜବତ କରାଯାଇଛି।ବିଶେଷ ସୂତ୍ରରୁ ଖବର ପାଇ ୨୨୨ ଡିଆରଜି ବାଟାଲିୟନର ଯବାନମାନେ କୁମ୍ବିଂ କରିବା ପାଇଁ ଯାଇଥିବାବେଳେ ବିଜାପୁର ଜିଲ୍ଲାର ଦୁରଦା ଏବଂ ଜାପେଲି ଜଙ୍ଗଲରେ ନକ୍ସଲ ସଂଗଠନର ପ୍ଲାଟୁନ ନମ୍ବର ୧୧ ଏବଂ ୧୨ର ନକ୍ସଲମାନେ କରିଥିବା କ୍ୟାମ୍ପଥିବାର ଜାଣିବାକୁ ପାଇଥିଲେ । ଯବାନଙ୍କୁ ଦେଖି ନକ୍ସଲ ଅତର୍କିତ ଗୁଳି ଚଳାଇଥିଲେ । ଯବାନମାନେ ମଧ୍ୟ ପାଲଟା ଜବାବ ଦେଇଥିଲେ। ଦୀର୍ଘ ସମୟ ଧରି ଉଭୟଙ୍କ ମଧ୍ୟରେ ଗୁଳିବିନିମୟରେ ୨ ଜଣ ମହିଳା ମାଓବାଦୀଙ୍କର ମୃତ୍ୟୁ ହୋଇଥିଲା। ଯବାନମାନେ ଘଟଣାସ୍ଥଳ ଯାଞ୍ଚ କରିବା ପରେ ୩ଟି ବନ୍ଧୁକ ସହ ବିସ୍ଫୋରକ ଜବତ କରିଥିଲେ ।