କଟକ,୩।୮(ଏସଏସନିଉଜ)କଟକ ଭୁବନେଶ୍ୱର ୧୬ନମ୍ବର ଜାତୀୟ ରାଜପଥର ବାଲିକୁଦା ଟ୍ରାଫିକଛକ ନିକଟରେ ଶନିବାର ରାତିରେ ଏକ କାରକୁ ପଛରୁ ଧକ୍କାଦେଇ ରାସ୍ତାରେ ଓଲଟିପଡ଼ିଛି ମାଲବୋଝେଇ ଟ୍ରକ। ଶନିବାର ରାତି ୯ ଟା ସମୟରେ ଏକ କାରକୁ ପଛରୁ ଧକ୍କାଦେଇ ମାଲ ବୋଝେଇ ଟ୍ରକରାସ୍ତା ଉପରେ ଓଲଟି ପଡ଼ିଥିଲା । ଦୁର୍ଘଟଣାରେ କାର ଭିତରେ ଥିବା ଲୋକମାନେ ଅଳ୍ପକେ ବର୍ତ୍ତି ଯାଇଥିଲେ ।ଭୁବନେଶ୍ୱରରୁ କଟକ ଅଭିମୁଖେ ଆସୁଥିବା ଓ ଆର-୦୫-ଏମ-୦୬୧୨ ନମ୍ବର କାରକୁ ପଛରୁ ଆର ଜେ-୦୨- ଜିବି-୨୦୬୦ ନମ୍ବର ବିଶିଷ୍ଟ ଏକ ମାଲ ବୋଝେଇ ଟ୍ରକ ଧକ୍କା ଦେଇ ରାସ୍ତା ଉପରେ ଓଲଟି ପଡ଼ିଥିଲା । ଯାହାଫଳରେ କିଛି ସମୟ ପାଇଁ ଗାଡ଼ି ଚଳାଚଳ ବାଧାପ୍ରାପ୍ତ ହୋଇଥିଲା ।ଖବରପାଇ କଟକ ସଦର ଥାନା ପୋଲିସ ଦୁର୍ଘଟଣା ସ୍ଥଳରେ ପହଞ୍ଚି ଗାଡ଼ି ଚଳାଚଳର ବ୍ୟବସ୍ଥା କରିଥିଲେ ।