ବୌଦ୍ଧ,୪ା୮(ଏସଏସନିଉଜ) ଗତମାସ ୩୦ତାରିଖସନ୍ଧ୍ୟାରେ କଣ୍ଟାମାଲଥାନା ଲମ୍ବସରୀଗ୍ରାମର ବରିଷ୍ଠଦେହୁରୀଙ୍କ ୭ବର୍ଷୀୟ ପୁଅ ବିଶ୍ୱରାଜ ଦେହୁରୀର ମୃତଦେହକୁ ପିପଲପାଲିଗ୍ରାମର ଏକ ପରିତ୍ୟକ୍ତ କୂଅରୁ ଉଦ୍ଧାର କରାଯାଇଥିଲା । ପୁଅକୁ ହତ୍ୟା କରାଯାଇଥିବା ନେଇ ପରିବାର ପକ୍ଷରୁ ଥାନାରେ ଅଭିଯୋଗ କରାଯାଇଥିଲା । ଅଭିଯୋଗପରେ ପୋଲିସ ତଦନ୍ତ ଆରମ୍ଭ କରିବାସହ ହତ୍ୟାଘଟଣାରେ ୨ ଜଣ ନାବାଳକଙ୍କୁ ଗତକାଲି ପୋଲିସ ଅଟକରଖି ପଚରାଉଚରା କରିଥିଲା ।ପୁର୍ବଶତ୍ରୁତାକୁ ନେଇ ଉକ୍ତ ୨ନାବାଳକ ବିଶ୍ବରାଜକୁ ହତ୍ୟା କରିଥିବା ପୋଲିସ ଆଗରେ ସ୍ବୀକାର କରିଥିଲେ । ଆଜି ଉଭୟ ବାଳଅପରାଧିଙ୍କୁ ବୌଦ୍ଧସ୍ଥିତ ଜୁଭେନାଇଲକୋର୍ଟରେ ହାଜର କରିଛି ପୁଲିସ । କିଛି ଦିନପୂର୍ବେ ସ୍କୁଲରେ ଉଭୟ ଛାତ୍ର ଓ ବିଶ୍ୱରାଜଙ୍କ ମଧ୍ୟରେ କୌଣସି କଥାକୁ ନେଇ ପାଟିତୁଣ୍ଡ ହୋଇଥିଲା । ଏହି କଥାକୁ ନେଇ ଦୁଇ ନାବାଳକ ବିଶ୍ଵରାଜକୁ ଖେଳିବାକୁ ଡାକିନେଇ କୂଅରେ ଠେଲି ଦେଇଥିବା ଆଜି ପୋଲିସ ଆଗରେ ସ୍ବୀକାର କରିଥିଲୋ ଏହି ଘଟଣାକୁ ନେଇ ଅଞ୍ଚଳରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି ।