ବାରଙ୍ଗ,୧୮/୨(ଏସ ଏସ ନିଉଜ) ତ୍ରୀସ୍ତରୀୟ ପଞ୍ଚାୟତ ନିର୍ବାଚନର ଦ୍ଵିତୀୟ ପର୍ଯ୍ୟାୟରେ ଶୁକ୍ରବାର ବାରଙ୍ଗ ବ୍ଲକରେ ଶାନ୍ତିପୂର୍ଣ୍ଣ ଭାବେ ମତଦାନ ଶେଷ ହୋଇଛି।ବ୍ଲକର ୩୨ ଓ ୩୩ ନମ୍ବର ଜିଲ୍ଲାପରିଷଦ ଜୋନର ୧୬ଟି ପଞ୍ଚାୟତର ୨୩୦ଟି ବୁଥରେ ଜିଲ୍ଲାପରିଷଦ,ସମିତି ସଭ୍ୟ,ସରପଞ୍ଚ ଏବଂ ୱାର୍ଡସଭ୍ୟ ପ୍ରାର୍ଥୀମାନଙ୍କ ପାଇଁ ଭୋଟରମାନେ ମତଦାନ ସାବ୍ୟସ୍ତ କରିଛନ୍ତି।ବ୍ଲକରେ ୯ ଜଣ ଜିଲ୍ଲାପରିଷଦ ପ୍ରାର୍ଥୀ,୬୧ ଜଣ ସମିତି ସଭ୍ୟ ପ୍ରାର୍ଥୀ,୬୩ ଜଣ ସରପଞ୍ଚ ଓ ୩୮୫ ଜଣ ୱାର୍ଡସଭ୍ୟଙ୍କୁ ନେଇ ମୋଟ ୫୧୮ ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ ହେବ।ଏହି ଦୁଇଟି ଜୋନରେ ୧୭୭ଟି ଉତ୍ତେଜନା ପ୍ରବଣ ବୁଥ ରହିଥିବା ସହ ୫୩ ଟି ସମ୍ବେଦନଶୀଳ ବୁଥ ରହିଛି।୩୨ ନମ୍ବର ଜୋନରେ ୧୧୦ ଟି ଏବଂ ୩୩ ନମ୍ବର ଜୋନରେ ୧୨୦ ଟି ମତଦାନ କେନ୍ଦ୍ର କରାଯାଇଛି।ବ୍ଲକରେ ୭୪୨୧୯ ଜଣ ମତଦାତା ରହିଥିବା ବେଳେ ୭୯ ପ୍ରତିଶତ ମତଦାନ ହୋଇଥିବା ବିଡିଓ ତଥା ନିର୍ବାଚନ ଅଧିକାରୀ ପ୍ରଭାକର ପଣ୍ଡା ସୂଚନା ଦେଇଛନ୍ତି।