ଭୁୁବନେଶ୍ବର:୪/୧-(ଏସଏସଏନ)ଅଶୁଭ ନୁଆବର୍ଷ । ଏକଥା ଆମେ କହୁନୁ , କହୁଛନ୍ତି ପଶୁପ୍ରେମୀ । କହିବା ବି ସ୍ବଭାବିକ୍ । କାରଣ ନୁଆବର୍ଷ ପାଦ ଥାପୁଥାପୁ ପ୍ରାଣୀଉଦ୍ୟାନ ନନ୍ଦନକାନନରେ ବିରଳ ଜୀବଜନ୍ତୁଙ୍କର ମୁଣ୍ଡ ଗଡିବା ଆରମ୍ଭ କଲାଣି ।
ନୁଆବର୍ଷର ଠିକ୍ ତିନି ଦିନ ପୁର୍ବରୁ ସିଂହ ପିଛାନ ମୃତ୍ୟୁ ଘଟଣା ମନରୁ ନଲିଭୁଣୁ ପୁଣି ଗୋଟିଏ ଦିନ ପରେ ଚିତା ବାଘ ବର୍ଷାର ମୃତ୍ୟୁ ହୋଇଥିଲା । ଯାହାକୁ ନେଇ କର୍ମଚାରି ଠୁ ଆରମ୍ଭ କରି କର୍ତ୍ତୁପକ୍ଷ ମର୍ମାହତ ହେବା ସହ ପଶୁପ୍ରେମୀଙ୍କ ମହଲରେ ଦୁଃଖର ଛାୟା ଖେଳିଯାଇଥିଲା । ସମସ୍ତ ମନରେ ଥିଲା ନୁଆ ବର୍ଷ ନନ୍ଦନକାନନ ପାଇଁ ଶୁଭଙ୍କର ହେବ । ହେଲେ ତାହା ଓଲଟା ଦେଖିବାକୁ ମିଳିଛି । କାରଣ ନୁଆବର୍ଷ ପାଦ ଥାପି ଚାରିଦିନ ନପୁରୁଣୁ ପୁଣି ହେଟାବାଘର ମୃତ୍ୟୁ ହୋଇଛି ।