ଭଦ୍ରକ,୨୦/୩(ଏସଏସନିଉଜ) ଧାମନଗର ଥାନା ଅନ୍ତର୍ଗତ ବିରୁହାଁ ଛକ ନିକଟରେ ଆମ୍ବୁଲାନ୍ସ ଓ ବାଇକ୍ ମଧ୍ୟରେ ଦୁର୍ଘଟଣା ଘଟି ଆଇଟିଆଇର ଛାତ୍ର ଅବିନାଶ ମହାଳିକଙ୍କର ମୃତ୍ୟୁ ହୋଇଥିବା ବେଳେ ଅଭିଷେକ ମହାନ୍ତି ଓ ଅଂଶୁମାନ ମହାନ୍ତି ଗୁରୁତର ଆହତ ହୋଇଛନ୍ତି। ଏହି ୩ଜଣ ଯୁବକ ଏକ ମୋଟର ସାଇକେଲରେ ଧାମନଗର ଆଡ଼କୁ ଯାଉଥିବା ବେଳେ ଏକ ଆମ୍ବୁଲାନ୍ସଟି ଭାରସାମ୍ୟ ହରାଇ ମୋଟର ସାଇକେଲକୁ ଧକ୍କା ଦେଇଥିଲା।ଗୁରୁତର ଆହତ ହୋଇଥିବା ୩ଜଣଙ୍କୁ ଚିକିସ୍ା ପାଇଁ ଧାମନଗର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିବା ବେଳେ ଅବିନାଶ ଙ୍କୁ ଡ଼ାକ୍ତର ମୃତ ଘୋଷଣା କରିଥିଲେ।ଅନ୍ୟ ଗୁରୁତର ଥିବା ଦୁଇଜଣଙ୍କୁ ଭଦ୍ରକ ଡ଼ାକ୍ତରଖାନାକୁ ପଠାଯାଇଥିବା ଜଣାଯାଇଛି।