ବାରଙ୍ଗ ,୩୦/୧୦(ଏସଏସନିଉଜ) ବୁଧବାର ବଢ଼ିଭୋର ସମୟରେ ପାଟପୁରଛକ ନିକଟରେ ଏକ ଅଜଣା କାର ଧକ୍କାରେ ସାଇକେଲ ଚାଳକଙ୍କ ମୃତୁ ଘଟିଛି।
ପ୍ରକାଶଯେ,ବ୍ରାହ୍ମଣୀଗାଁର ହେମନ୍ତ କୁମାର ପାଳ(୬୫) ଓରଫ ହେମା ନାମକବ୍ୟକ୍ତି ପରିବାର ପ୍ରତିପୋଷଣ ପାଇଁ ସବୁଦିନେ ସାଇକେଲରେ ଛତ୍ରବଜାର ପରିବା ମାର୍କେଟରୁ ପରିବାଆଣି ଗାଁ ପାଖରେ ବ୍ୟବସାୟ କରିଥାନ୍ତି। ହେମା ଛାତ୍ରବଜାରରୁ ପରିବା ନେଇ ବୁଧବାର ବଢ଼ି ଭୋର ସମୟରେ ଘରକୁ ଫେରୁଥିଲେ।ତ୍ରିଶୂଳିଆ ବାଙ୍କୀ ମୁଖ୍ୟରାସ୍ତାର ପାଟପୁରଛକ ନିକଟ ଏକ ମାର୍ବଲ ଦୋକାନ ସମ୍ମୁଖରେ ପହଂଚିଥିବା ବେଳେ ପଛପଟୁ ଏକ ଅଜଣାକାର ଆସି ତାଙ୍କୁ ଧକ୍କା ଦେଇଥିଲା। ଫଳରେ ହେମା ସାଇକେଲରୁ ଛିଟିକି କାରତଳେ ରହି ଯାଇଥିଲେ। କାର ଚାଲକ କିଛିବାଟ ତାଙ୍କୁ ଘୋଷାଡି ନେଇ ବାମପାର୍ଶ୍ୱ ଜଂଘଉପରେ ଚଢ଼ାଇ ଦୃତଗତିରେ ଫେରାର ହୋଇଯାଇଥିଲା।ଦୁର୍ଘଟଣା ପରେ ପଛରୁ ଆସୁଥିବା ଏକ ଟ୍ରକ ଏହାଦେଖି ପୁଲିସକୁ ସୂଚନା ଦେଇଥିଲେ। ସୂଚନାପାଇଁ ବାରଙ୍ଗ ପୁଲିସ ଘଟଣାସ୍ଥଳରେ ପହଂଚି ଗୁରୁତର ଅବସ୍ଥାରେ ଆହତ ହେମା କୁ ଚିକିତ୍ସାପାଇଁ କଟକ ବଡ଼ଡ଼ାକ୍ତର ଖାନାକୁନେଇଥିବା ବେଳେ ଡାକ୍ତର ସେଠାରେ ମୃତ ଘୋଷଣା କରି ଥିଲେ।ପୋଲିସ ଏକ ମକଦ୍ଦମା ରୁଜୁ କରି ବ୍ୟବଚ୍ଛେଦ ପାଇଁ ପଠାଇଛି।