ଭୁବନେଶ୍ୱର,୧୮/୧୦(ଏସଏସ ନିଉଜ)ସମ୍ଭାବ୍ୟ ବାତ୍ୟା ନେଇ IMD ଡିଜି ମୃତ୍ୟୁଞ୍ଜୟ ମହାପାତ୍ରଙ୍କ ସୂଚନା।୨୨ ତାରିଖ ପରେ ଅବପାତଟି ବାତ୍ୟା ରୂପ ନେଇପାରେ।ବାତ୍ୟାଟି କେଉଁ ରାଜ୍ୟ ଦେଇ ଯିବ ବା ନଯିବ, ପୂର୍ବାନୁମାନ ହୋଇନି ।ଲଘୁଚାପରେ ପରିଣତ ହେଲା ପରେ ଅଧିକ ସ୍ପଷ୍ଟତା ଆସିବ।୨୨ ତାରିଖରେ ବାତ୍ୟା ରୂପ ନେଲା ବେଳକୁ ଏହା ସମୁଦ୍ରରେ ଥିବ।ଏହା କେଉଁ ଦିଗରେ ଯିବ, ତୀବ୍ରତା କେତେ, ପୂର୍ବାନୁମାନ ହୋଇନି।ଲଘୁଚାପ ବା ଅବପାତ ହେଲା ପରେ ବାତ୍ୟାର ଗତିପଥ ସ୍ପଷ୍ଟ ହେବ ।୨୨ତାରିଖ ସକାଳୁ ମତ୍ସ୍ୟଜୀବୀମାନଙ୍କୁ ସମୁଦ୍ର ଯିବାକୁ ବାରଣ କରାଯାଇଛି।
ସେହି ସମୟରେ ପବନର ବେଗ ଘଣ୍ଟା ପ୍ରତି ୪୫ରୁ ୫୫ କିମି ଏବଂ ଝଟକା ପବନ ୬୫କିମି ରହିବ।୨୩ରୁ ବଢିବ ବର୍ଷାର ପରିମାଣ ବୋଲି ସୂଚନା ଦେଲା ଆଂଚଳିକ ପାଣିପାଗ ବିଭାଗ ।ସମ୍ଭାବ୍ୟ ବାତ୍ୟାକୁ ନେଇ ୨୩ରୁ ୨୫ ସରକାରୀ କର୍ମଚାରୀଙ୍କ ଛୁଟି ବାତିଲ କରିଛନ୍ତି ରାଜ୍ୟ ସରକାର।କର୍ମଚାରୀଙ୍କୁ ହେଡ୍କ୍ବାଟର ଛାଡ଼ିବା ମନା କରାଯାଇଥିବାବେଳେ ଉପକୂଳ ସହ ଗଜପତି ଜିଲ୍ଲାକୁ ସତର୍କତା କରାଯାଇଛି ।