Browsing daily archive
ଭୁବନେଶ୍ୱର,୨୦/୩(ଏସଏସନିଉଜ) ଶନିବାର ରାତିରେ ଉତ୍ତର କେରଳର ମାଲାପ୍ପୁରମ୍ ଜିଲ୍ଲାର ବନ୍ଦୁର ନିକଟରେ ଥିବା ଫୁଟବଲ୍ ଷ୍ଟାଡିୟମର ମ୍ୟାଚ୍ ଚାଲୁଥିବା ବେଳେ ଭୁଶୁଡିପଡିଥିଲା ଦର୍ଶକ ଗ୍ୟାଲେରୀ।ଏହି ଅସ୍ଥାୟୀ ଗ୍ୟାଲେରୀ ଭୁଶୁଡ଼ିବା ପରେ ୨୦୦ରୁ ଅଧିକ ଲୋକ ଆହତ ହୋଇଥିବା ଜଣାପଡ଼ିଛି। ଦୁଇଟି ସ୍ଥାନୀୟ ଦଳ ମଧ୍ୟରେ ଫାଇନାଲ ମ୍ୟାଚ୍ ଖେଳାଯାଉଥିବା ବେଳେ ରାତି ପ୍ରାୟ ୯ଟା ବେଳେ ମ୍ୟାଚ୍ ଆରମ୍ଭ ପୂର୍ବରୁ ଏହି ଦୁର୍ଘଟଣା ଘଟିଥିଲା।ଅସ୍ଥାୟୀ ଗ୍ୟାଲେରୀ ଭୁଶୁଡ଼ିବା ଭିଡିଓ ଏବେ ଭାଇରାଲ ହେବାରେ ଲାଗିଛି ।
ଭଦ୍ରକ,୨୦/୩(ଏସଏସନିଉଜ) ଧାମନଗର ଥାନା ଅନ୍ତର୍ଗତ ବିରୁହାଁ ଛକ ନିକଟରେ ଆମ୍ବୁଲାନ୍ସ ଓ ବାଇକ୍ ମଧ୍ୟରେ ଦୁର୍ଘଟଣା ଘଟି ଆଇଟିଆଇର ଛାତ୍ର ଅବିନାଶ ମହାଳିକଙ୍କର ମୃତ୍ୟୁ ହୋଇଥିବା ବେଳେ ଅଭିଷେକ ମହାନ୍ତି ଓ ଅଂଶୁମାନ ମହାନ୍ତି ଗୁରୁତର ଆହତ ହୋଇଛନ୍ତି। ଏହି ୩ଜଣ ଯୁବକ ଏକ ମୋଟର ସାଇକେଲରେ ଧାମନଗର ଆଡ଼କୁ ଯାଉଥିବା ବେଳେ ଏକ ଆମ୍ବୁଲାନ୍ସଟି ଭାରସାମ୍ୟ ହରାଇ ମୋଟର ସାଇକେଲକୁ ଧକ୍କା ଦେଇଥିଲା।ଗୁରୁତର ଆହତ ହୋଇଥିବା ୩ଜଣଙ୍କୁ ଚିକିସ୍ା ପାଇଁ ଧାମନଗର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିବା […]
ଭୁବନେଶ୍ୱର, ୨୦/୩(ଏସଏସନିଉଜ) ପୁଣି ରାଜଧାନୀରେ ଫୁଟିଛି ଗୁଳି । ତମାଣ୍ଡୋ ଅଞ୍ଚଳରେ ଥିବା ଏକ କାର୍ ଗ୍ୟାରେଜରେ ୪ ରାଉଣ୍ଡ ଗୁଳିମାଡ଼ ହୋଇଛି ।ଏହି ଗୁଳିମାଡରେ ୨ ଆହତ ହୋଇଥିବାର ଜଣାପଡିଛି । ବଚସାକୁ ନେଇ ଗୁଳିମାଡ଼ ହୋଇଥିବାବେଳେ ୨ଟି କାର୍ ଓ ବନ୍ଧୁକ ଜବତ କରିଛି ପୋଲିସ ।ଏହାସହ ୫ ଜଣକୁ ଗିରଫ ମଧ୍ୟ କରିଥିବାର ସୂଚନା ମିଳିଛି ।
ପୁରୀ,୨୦/୩(ଏସ ଏସ ନିଉଜ)କୋଭିଡ୍ କଟକଣା ହଟିବା ପରେ ଆଜି ପ୍ରଥମ ଥର ପାଇଁ ରବିବାରରେ ସର୍ବସାଧାରଣଙ୍କ ଦର୍ଶନ ଲାଗି ଖୋଲିଥିଲା ଶ୍ରୀମନ୍ଦିର।ଶ୍ରଦ୍ଧାଳୁମାନେ ଶୃଙ୍ଖଳିତ ଭାବେ ମହାପ୍ରଭୁଙ୍କୁ ଦର୍ଶନ କରିବା ପାଈଁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ଏହା ପରେ ମଧ୍ୟ ପଶ୍ଚିମବଙ୍ଗର ନିତ୍ୟାନନ୍ଦ ନାମକ ବ୍ୟକ୍ତି ଚପଲ୍ ପିନ୍ଧି ଶ୍ରୀମନ୍ଦିର ଭିତରେ ପଶିଥିବା ଅଭିଯୋଗ ହୋଇଛି। ନିତ୍ୟାନନ୍ଦ ଚପଲ ପିନ୍ଧି ରୋଷ ଘର ନିକଟରୁ ବୁଲୁଥିବା ବେଳେ ରୋଷ ପାଇକ ତାଙ୍କୁ ବାହାରକୁ ନେଇ ଆସିଥିଲେ।
କେନ୍ଦୁଝର, ୨୦/୩(ଏସଏସ ନିଉଜ)ବାମେବାରୀ ଥାନା କନକନା ଗାଁରେ ଅସାବଧାନତା କାରଣରୁ ୩ଜଣ ଶିଶୁ ପିଚୁ କଡେଇରେ ପଡ଼ିଯାଇଥିବା ଖବର ଆସିଛି । ସ୍ଥାନୀୟ ଲୋକ ଘଟଣାସ୍ଥଳରୁ ସମସ୍ତ ଶିଶୁମାନଙ୍କୁ ଉଦ୍ଧାର କରି ନିକଟସ୍ଥ ଡାକ୍ତରଖାନାରେ ଭର୍ତ୍ତି କରିଛନ୍ତି ।
ସତ୍ୟବାଦୀ,୨୦/୩(ଏସଏସ ନିଉଜ) ଆଳିସ ଗ୍ରାମରେ ଅଗ୍ନିକାଣ୍ଡ ଘଟି ୫ ବଖରା ଘର ପୋଡିଯାଇଛି । ଧ୍ରୁବ ପ୍ରଧାନ, ଅକ୍ରୁର ପ୍ରଧାନ, ବୀର ପ୍ରଧାନ ଓ ଅର୍ଜୁନ ପ୍ରଧାନ ପ୍ରମୁଖଙ୍କ ୫ ବଖରା ଘର ଓ ସମସ୍ତ ଆସବାବ ପତ୍ର ପୋଡି ପାଉଁଶ ହୋଇଯାଇଛି । ଖବରପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି । ବିପନ୍ନ ପରିବାରକୁ କ୍ଷତିପୁରଣ ବେବାକୁ ଗ୍ରାମବାସୀମାନେ ଦାବୀ କରିଛନ୍ତି ।
ଜୟପୁର,୨୦/୩(ଏସଏସନିଉଜ) ଜୟପୁର ଟାଉନ୍ ଥାନା ଅନ୍ତର୍ଗତ ଗୋପବନ୍ଧୁ ନଗରର କାର୍ତ୍ତିକେଶ୍ବର ନାଗ ନାମକ ଯୁବକକୁ କିଛି ଦୁର୍ବୃତ୍ତ ଗତକାଲି ଉଠାଇ ନେଇ ଗୁଳି ମାରି ମରଣାନ୍ତକ ଆକ୍ରମଣ କରିଥିଲେ। ପରେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ କୋରାପୁଟ ଲକ୍ଷ୍ମଣ ନାୟକ ମେଡିକାଲ କଲେଜ ହସ୍ପିଟାଲରେ ଭର୍ତ୍ତି କରାଯାଇଥିଲା। ଏହି ମରଣାନ୍ତକ ଆକ୍ରମଣ ଘଟଣାର ଦୁଇ ମୁଖ୍ୟ ଅଭିଯୁକ୍ତଙ୍କ ଗିରଫ ଦାବିରେ ଓ ଆଇନ ଶୃଙ୍ଖଳା ବିପର୍ୟ୍ୟସ୍ତ ଅଭିଯୋଗ କରି ବିଧାୟକ ତାରା ବାହିନୀପତିଙ୍କ ନେତୃତ୍ୱରେ ଜୟପୁର […]
ଭୁବନେଶ୍ୱର, ୨୦/୩(ଏସଏସନିଉଜ) ଆଜି ସକାଳୁ ଖରସ୍ରୋତା ନଦୀରୁ ଆଉ ଏକ ମୃତଦେହକୁ ଉଦ୍ଧାର ହୋଇଛି ।ଉଦ୍ଧାର ହୋଇଥିବା ମୃତ ଯୁବକ ହେଉଛନ୍ତି ବିଶ୍ୱଜିତ୍ ଜେନା ।ଏହାକୁ ନେଇ ମୃତକଙ୍କ ସଂଖ୍ୟା ୬ରେ ପହଞ୍ଚିଛି । ଗତ ୧୮ ତାରିଖ ଅପରାହ୍ନ ପ୍ରାୟ ୨ଟାରେ ହୋଲି ଖେଳି ସାରି ଯାଜପୁର ଜିଲ୍ଲା ବଡ଼ସୁଆର ନିକଟବର୍ତ୍ତୀ ଖରସ୍ରୋତା ନଦୀକୁ ବନ୍ଧମୁଣ୍ଡ ଗାଁର ରଶ୍ମିରଞ୍ଜନ ଜେନା, କରଣ ଜେନା, କୃଷ୍ଣ ଜେନା, ଶୁଭମ୍ ଜେନା, ଅମିତ ଜେନା, ଜାଲପୁରର ବିଶ୍ୱଜିତ ଜେନା […]
ଭୁବନେଶ୍ୱର,୨୦/୩(ଏସଏସନିଉଜ) ପୁଣି ଉତ୍କଳ ବିଶ୍ୱବିଦ୍ୟାଳୟ ଛାତ୍ର ନିବାସରେ ଉତ୍ତେଜନା ଦେଖାଦେଇଛି । ବିଳମ୍ବିତ ରାତିରେ ୨ ଛାତ୍ର ଗୋଷ୍ଠୀ ମଧ୍ୟରେ ଗଣ୍ଡଗୋଳ ହୋଇଛି । ଗଣ୍ଡଗୋଳ ପରେ ହଷ୍ଟେଲରେ ପଶି ଦୁର୍ବୃତ୍ତ ମାନେ ୩ଟି ଗାଡ଼ି ଭଙ୍ଗାରୁଜା ସହ ପୋଡ଼ି ପୋଡ଼ିଦେଇଛନ୍ତି । ଦୁଇ ଛାତ୍ର ଗୋଷ୍ଠୀ ମଧ୍ୟରେ ହୋଲି ପାଳନକୁ ନେଇ ଗତକାଲି ବିବାଦ ଉପୁଜିଥିଲା।ଏହାକୁନେଇ ଛାତ୍ର ନିବାସରେ ଉତ୍ତେଜନା ଦେଖାଦେଇଥିବାରୁ ସହିଦନଗର ଥାନା ପୋଲିସ ଘଟଣାସ୍ଥଳରେ ପହଁଚି ପରିସ୍ଥିତିକୁ ନିୟନ୍ତ୍ରଣରେ ଆଣିବାପାଇଁ ବୁଝାସୁଝା. କରି […]
ନିଆଳି,୨୦/୩(ଏସଏସନିଉଜ) କଣ୍ଟାପଡ଼ା ବ୍ଲକ ବ୍ରାହ୍ମଣବାଟି ପଞ୍ଚାୟତର ନବ ନିର୍ବାଚିତ ସରପଞ୍ଚଙ୍କ ଘର ଉପରକୁ ବିଳମ୍ବିତ ରାତିରେ ବୋମାମାଡ଼ ହୋଇଛି ।ରାଜନୈତିକ ଶତ୍ରୁତାରୁ ବୋମାମାଡ଼ କରାଯାଇଥିବା ଅଭିଯୋଗ ହେଉଛି ।ଖବରପାଇ ଗୋବିନ୍ଦପୁର ପୋଲିସ ଘଟଣାସ୍ଥଳରେ ପହଁଚି ତଦନ୍ତଆରମ୍ଭ କରିଛି ।