ବାରଙ୍ଗ,୨୮।୧୨(ଏସଏସନିଉଜ)ଗୋଡିସାହି ଫାଣ୍ଡି ଅନ୍ତର୍ଗତ ବିଦ୍ୟାଧରପୁର ଗ୍ରାମ ଚକ୍ରଧର ସାହିର ରାସ୍ତା କଡରୁ ଶନିବାର ସଂଧ୍ୟା ସାଢ଼େ ନଅଟା ସମୟରେ ପ୍ରାୟ ୬ଫୁଟ ଲମ୍ବର ଏକ ଅଜଗର ସାପକୁ ଉଦ୍ଧାର କରାଯାଇଛି। ପ୍ରାୟ ୮କେଜି ଓଜନର ଅଜଗର ସାପଟି ରାସ୍ତା ପାର ହେଉଥିବା ବେଳେ ସ୍ଥାନୀୟ ଯୁବକମାନେ ଦେଖିବାକୁ ପାଇଥିଲେ। ପରେ ସଂଘବଧ ହୋଇ ଗ୍ରାମର ଯୁବକମାନେ ସାପଟିକୁ ରୋକିବାକୁ ଚେଷ୍ଟା କରି ସ୍ନେକ୍ ହେଲ୍ପ ଲାଇନ ସଦସ୍ୟ ସହ ବନବିଭାଗକୁ ଖବର ଦେଇଥିଲେ। ସ୍ନେକ୍ ହେଲ୍ପଲାଇନର ସ୍ଥାନୀୟ ଦୁଇଜଣ ସଦସ୍ୟ ଘଟଣାସ୍ଥଳରେ ପହଞ୍ଚି ସାପଟିକୁ ଉଦ୍ଧାର କରି ପରେ ଜଙ୍ଗଲରେ ଛାଡିଥିଲେ।(ଜିତ ରାଉତଙ୍କ ରିପୋର୍ଟ)