୨୦୨୨ ମସିହା ଅକ୍ଟୋବର ମାସ ୨୦ ତାରିଖ (ଗୁରୁବାର)କାର୍ତିକ ମାସ –କୃଷ୍ଣପକ୍ଷ ,ତିଥି-ଦଶମୀ ଦିବା ଘ୩/୫୫ ପର୍ୟ୍ଯନ୍ତ ତଦନ୍ତେ ଏକାଦଶୀ ,ସୁର୍ୟୋଦୟ ପ୍ରାତଃ ଘ୦୫/୪୬/୪୬ ,ସୂର୍ଯ୍ୟାସ୍ତ ସନ୍ଧ୍ୟା ଘ୦୫/୧୬/୫୩ ,ତୁଳା ଓ କୁମ୍ଭ ରାଶିର ଘାତବାର ,କର୍କଟ ଓ ମକର ରାଶିର ଘାତଚନ୍ଦ୍ର ,ଦଶମୀର ଏକୋଦିଷ୍ଟ ଓ ପ୍ରାବଣଶ୍ରାଦ୍ଧ ,କଳମ ଶାଗ ଦିବା ଘ୩/୫୫ ଗତେ ଶିମ୍ବ ଭକ୍ଷଣ ନିଷେଧ ।
ମେଷ-ଚାକିରିଆଙ୍କ ଲାଗି ଦିନଟି ଭଲ। ଆପଣ ଭାବିଥିବା କାମ ସଂପୂର୍ଣ୍ଣ ହୋଇଯିବ। ବ୍ୟବସାୟରେ ପୁଞ୍ଜି ଲଗାଇ ପାରନ୍ତି। ବୈବାହିକ ଜୀବନ ଭଲ ରହିବ।
ବୃଷ-ଆପଣଙ୍କ ମନରେ ସକାରାତ୍ମକ ଭାବନା ବଢ଼ିବ। ଘରକୁ ବନ୍ଧୁ ଆସିବା ହେତୁ ପରିବାରରେ ଖୁସିର ପରିବେଶ ରହିବ। ବ୍ୟବସାୟ କାମରେ ଯାତ୍ରା ଯୋଗ ରହିଛି।
ମିଥୁନ-ମାତା ପିତାଙ୍କ ସହିତ ଠାକୁର ଦର୍ଶନ ପାଇଁ ମନ୍ଦିରକୁ ଯିବେ। ଆପଣ ନିଜ କାର୍ଯ୍ୟରେ ବହୁତ ବ୍ୟସ୍ତ ରହିବେ। ଛାତ୍ରମାନେ ନୂଆ କାର୍ଯ୍ୟକଳାପରେ ସାମିଲ ହୋଇପାରନ୍ତି।
କର୍କଟ-ଜରୁରୀ କାମ ସମାପ୍ତ କରିବାରେ ସଫଳ ହେବେ। ଜୀବନରେ ଲାଗିରହିଥିବା ଅଶାନ୍ତି ଦୂର ହେବ। ସାମାଜିକ ସ୍ତରରେ ଲୋକପ୍ରିୟତା ବଢ଼ିବ।
ସିଂହ-ଆପଣଙ୍କୁ କୌଣସି ଭଲ ଖବର ମିଳିପାରେ। ବେପାର ସମ୍ବନ୍ଧୀୟ ଯାତ୍ରା ଫଳପ୍ରଦ ହେବ। ପ୍ରିୟ ବ୍ୟକ୍ତିଙ୍କ ଠାରୁ ଉପହାର ପାଇବେ। ଦାମ୍ପତ୍ୟ ଜୀବନରେ ମଧୁରତା ବୃଦ୍ଧି ପାଇବ।
କନ୍ୟା-ପରିବାରରେ ମାଙ୍ଗଳିକକାର୍ଯ୍ୟର ରୂପରେଖ ପ୍ରସ୍ତୁତ ହେବ। ଆପଣଙ୍କୁ କୌଣସି ବଡ଼ ଦାୟିତ୍ବ ମିଳିପାରେ। ଓକିଲଙ୍କୁ ବଡ଼ ମକଦ୍ଦମାରେ ବିଜୟ ହାସଲ ହୋଇପାରେ।
ତୁଳା-ଜୀବନ ସାଥୀଙ୍କ ସହଯୋଗରେ ଆପଣଙ୍କର କାମ ସଂପୂର୍ଣ୍ଣ ହୋଇପାରେ। ବନ୍ଧୁ ସହିତ କୌଣସି କଥାକୁ ନେଇ ମତଭେଦ ହେବ। ଘର ପାଇଁ ଦରକାରୀ ଜିନିଷ କିଣିବେ।
ବିଛା-ଉପରିସ୍ଥ କର୍ମଚାରୀ ଆପଣଙ୍କ ଉପରେ ପ୍ରସନ୍ନ ହେବେ। ବେପାରରେ ଲାଭ ହେବ। ସାମାଜିକ କାର୍ଯ୍ୟରେ ସମୟ ଦେବେ। ପ୍ରେମ ଜୀବନ ଖୁବ୍ ରୋଚକ ଓ ଆନନ୍ଦମୟ ରହିବ।
ଧନୁ-ପରିବାରରେ ଆନନ୍ଦ ଉଲ୍ଲାସର ବାତାବରଣ ରହିବ। ଲୋକେ ଆପଣଙ୍କ ସ୍ବଭାବରେ ପ୍ରଭାବିତ ହେବେ। ବେପାରରେ ଉନ୍ନତି ହେବ। ଲେଖକଙ୍କୁ ଖ୍ୟାତି ମିଳିବ।
ମକର-କ୍ୟାରିୟରରେ ଆପଣ ନିଜ ଗୁରୁଙ୍କ ସହଯୋଗ ପାଇବେ। ଟଙ୍କା ପଇସା ଦିଆନିଆ ବେଳେ ସାବଧାନତା ଅବଲମ୍ବନ କରନ୍ତୁ। ଛାତ୍ରଙ୍କ ଲାଗି ଦିନଟି ସବୁ ଦୃଷ୍ଟିରୁ ଭଲ।
କୁମ୍ଭ-ଆପଣ ନିଜ ବନ୍ଧୁ ଠାରୁ ଭଲ ପରାମର୍ଶ ପାଇବେ। କୌଣସି ଅଜଣା ବ୍ୟକ୍ତିଙ୍କ ଉପରେ ଭରସା କରନ୍ତୁ ନାହିଁ। ସମାଜରେ ମାନ ପ୍ରତିଷ୍ଠା ବଢ଼ିବ। ଦାମ୍ପତ୍ୟ ଜୀବନ ପ୍ରୀତିମୟ ହେବ।
ମୀନ-ଆପଣଙ୍କ ମନ ଆତ୍ମବିଶ୍ବାସରେ ପୂର୍ଣ୍ଣ ରହିବ। ବେପାରରେ ଲାଭ ମିଳିବାର ଆଶା ଅଛି। ପାରିବାରିକ ଜୀବନରେ ସୁଖୀ ରହିବେ। ଛାତ୍ରଙ୍କୁ ନିଜ ପରିଶ୍ରମର ପରିଣାମ ହାସଲ ହେବ।
ନିତୀବାଣୀ-ଯିଏ କଷ୍ଟ ସହିବାକୁ ପ୍ରସ୍ତୁତ ନୁହେଁ ତା’ର ମନ ଦୁର୍ବଳ ହୋଇଯାଏ ।
ବାସ୍ତୁ ଟିପ୍ପଣୀ-କେଉଁ ଭୁଲ୍ ପାଇଁ ଲାଗି ରହେ ଆର୍ଥିକ ସମସ୍ୟା…
ଜୀବନରେ ଧନର ଖୁବ ମହତ୍ତ୍ୱ ରହିଛି। ଏହି କାରଣରୁ ସଭିଏଁ ଦିନରାତି ପରିଶ୍ରମ କରି ଟଙ୍କା ରୋଜଗାର କରିବା ସହ ସଞ୍ଚୟ କରିବାକୁ ଚେଷ୍ଟା କରିଥାଆନ୍ତି। ମାତ୍ର କେତେକ ସମୟରେ ଚେଷ୍ଟା କଲେ ମଧ୍ୟ ଟଙ୍କା ସଞ୍ଚୟ ହୋଇପାରିନଥାଏ। ଅଭାବ ଦେଖାଦିଏ। ଫଳରେ ଆର୍ଥିକ ସମସ୍ୟାର ସାମ୍ନା କରିବାକୁ ପଡିଥାଏ। ପର୍ସରେ ପଇସା ରହିନଥାଏ କିମ୍ବା ଅଧିକ ଅଯଥାରେ ଅଧିକ ଖର୍ଚ୍ଚ ହୋଇଥାଏ। ଏପରି ସମସ୍ୟା ଥିଲେ ସଭିଏଁ ଖୁବ ଚିନ୍ତିତ ରହିଥାଆନ୍ତି। ଜ୍ୟୋତିଷ ଶାସ୍ତ୍ରରେ ପର୍ସ ସହ ଜଡିତ କିଛି ଉପାୟ ରହିଛି, ସେହି ଉପାୟ ପ୍ରତି ଧ୍ୟାନ ଦେଲେ ଟଙ୍କା ସଠିକ ଭାବେ ସଞ୍ଚୟ ହେବା ସହ ଆର୍ଥିକ ସମସ୍ୟା ଦୂର ହୋଇଥାଏ।
ଅନେକସମୟରେ ଦେଖାଯାଇଥାଏ, ଲୋକେ ଅଧିକ ବର୍ଷ ଯାଏଁ ଗୋଟିଏ ପର୍ସ ରଖିଥାଆନ୍ତି। ପର୍ସ ଫାଟିବା ପରେ ମଧ୍ୟ ସେହି ପର୍ସକୁ ବ୍ୟବହାର କରିଥାଆନ୍ତି। ମାତ୍ର ଫାଟି ଯାଇଥିବା ପର୍ସ ରଖିବା ଅଶୁଭ ହୋଇଥାଏ। ଏହା ଦ୍ୱାରା ମା’ଲକ୍ଷ୍ମୀ ଅସନ୍ତୁଷ୍ଟ ହୋଇଥାଆନ୍ତି। ଫଳରେ ଆର୍ଥିକ ସମସ୍ୟା ଲାଗି ରହିଥାଏ। ତେଣୁ ସର୍ବଦା ସଫା ଓ ସଠିକ ପର୍ସ ବ୍ୟବହାର କରନ୍ତୁ। ଫାଟିବା ମାତ୍ରେ ତୁରନ୍ତ ପର୍ସ ବଦଳାଇ ଦିଅନ୍ତୁ।
ଜ୍ୟୋତିଷଶାସ୍ତ୍ର ଅନୁଯାୟୀ, ପର୍ସରେ ଅଦରକାରୀ କାଗଜପତ୍ର ଆଦୌ ରଖନ୍ତୁ ନାହିଁ। ଅନେକ ଲୋକେ ପର୍ସରେ ବହୁ ପୁରୁଣା କାଗଜ ରଖିଥାଆନ୍ତି। ଏପରି କରିବା ଦ୍ୱାରା ପର୍ସରେ ଆଦୌ ଟଙ୍କା ରହିନଥାଏ। ଅଯଥାରେ ଖର୍ଚ୍ଚ ମଧ୍ୟ ହୋଇଥାଏ। ପର୍ସକୁ ସର୍ବଦା ପରିସ୍କାର ରଖନ୍ତୁ।
କିଛି ଲୋକେ ପର୍ସରେ ଦେବୀଦେବତାଙ୍କ ଫଟୋ ରଖିଥିବାର ଦେଖାଯାଏ। କିଛି ଦିନ ମଧ୍ୟ ସେହି ଫଟୋ ନଷ୍ଟ ହେବାପରେ ଘରେ ଦାରିଦ୍ର୍ୟତା ଆସିଥାଏ ଓ ଧନର ଅଭାବ ଲାଗି ରହିଥାଏ। ତେଣୁ ଏପରି କରନ୍ତୁ ନାହିଁ।ଆଜିର ଦିନଟି ମଙ୍ଗଳମୟ ହେଉ!!ଜୟଜଗନ୍ନାଥ,ଜୟସୋମନାଥ,ଜୟମାଯୋଗମାୟା!!
- Advertisement -
