୨୦୨୨ ମସିହା ଅକ୍ଟୋବର ମାସ ୧୫ ତାରିଖ (ଶନିବାର)କାର୍ତିକ ମାସ -କୃଷ୍ଣ ପକ୍ଷ, ତିଥି- ଷଷ୍ଠୀ, ସୁର୍ୟୋଦୟ ପ୍ରାତଃ ଘ୦୫/୪୪/ ୪୧,ସୂର୍ଯ୍ୟାସ୍ତ ସନ୍ଧ୍ୟା ଘ୦୫ /୨୦/୩୯,ବୃଷ,ସିଂହ ଓ କନ୍ୟାରାଶିର ଘାତବାର, କନ୍ୟାରାଶିର ଘାତଚନ୍ଦ୍ର,ଷଷ୍ଠୀର ଏକୋଦିଷ୍ଟ ଓ ପ୍ରାବଣ ଶ୍ରାଦ୍ଧ,ନିମ୍ବ ଭକ୍ଷଣ ନିଷେଧ।
ମେଷ-ଆପଣ କେବଳ ନିଜ କାମରେ ମନଯୋଗ ଦିଅନ୍ତୁ। ସୌଭାଗ୍ୟବଶତଃ ଲକ୍ଷ୍ୟସ୍ଥଳରେ ପହଞ୍ଚିବାରେ କୌଣସି ଅସୁବିଧା ହେବନାହିଁ। ଅଧ୍ୟାପକଙ୍କୁ ବଡ଼ କଲେଜରେ ବଢ଼ିଆ ପ୍ରସ୍ତାବ ମିଳିବ। ପ୍ରେମରେ ଆପଣଙ୍କୁ ସଫଳତା ମିଳିବ।
ବୃଷ-ଗୁରୁଙ୍କ ଆଶୀର୍ବାଦ ନିଅନ୍ତୁ; ଦିନଟି ଭଲରେ କଟିବ। ପ୍ରତିଯୋଗିତାରେ ସଫଳତା ପାଇବେ। ବ୍ୟବସାୟ ଲାଗି ସଉଦା ପାଇଁ ଦୂରସ୍ଥାନକୁ ଯାତ୍ରାରେ ଯାଇପାରନ୍ତି। ଉଧାର ଦେଇଥିବା ପଇସା ଅଚାନକ ଫେରସ୍ତ ପାଇବେ।
ମିଥୁନ-ଘରର ବାତାବରଣରେ ଖୁସି ରହିବେ। କଳା ସାହିତ୍ୟ କ୍ଷେତ୍ରରେ ଆଗକୁ ବଢ଼ିବେ। ନୂଆ ସମ୍ବନ୍ଧ ଆରମ୍ଭ ହେବ। କୌଣସି ନୂଆ ପରି ଯୋଜନା ଲାଗି ଆପଣଙ୍କ ମନରେ କଳ୍ପନା ଆସିବ। ବାହନ କିଣିବା ପାଇଁ ଦିନଟି ଶୁଭ।
କର୍କଟ-ଭାବନାକୁ ସକାରାତ୍ମକ ରଖନ୍ତୁ। ଆର୍ଥିକ ସ୍ଥିରତା ଲାଗି ପରିଶ୍ରମର ଗତି ଅଧିକ କରିବାକୁ ହେବ। ଚାକିରିରେ କିଛି ପରିବର୍ତ୍ତନ ବା ବଦଳି ହୋଇପାରେ। ସମ୍ଭବ ହେଲେ ଦୂରସ୍ଥାନ ଯାତ୍ରାରୁ ନିବୃତ୍ତ ରହନ୍ତୁ।
ସିଂହ-ସମୟ ଅନୁକୂଳ। ସ୍ଥିତି ଆପଣଙ୍କ ଅନୁସାରେ ବଦଳି ଯିବ। ସ୍ଥଗିତ ଥିବା ସରକାରୀ କାମ ପୂରା ହେବ। ଧନପ୍ରାପ୍ତିର ପ୍ରବଳ ଯୋଗ ରହିଛି। ପ୍ରେମ ସମ୍ବନ୍ଧରେ ଗଭୀରତା ବୃଦ୍ଧି ହେବ। ସୁସ୍ୱାଦୁ ଖାଦ୍ୟ ଭୋଜନ କରିବେ।
କନ୍ୟା-ଆପଣଙ୍କ ମନ ଖୁସି ରହିବ। ମିଠା କଥା କହି ସମସ୍ତଙ୍କ ହୃଦୟ ଜିଣିନେବେ। ବ୍ୟବସାୟରେ କିଛି ନୂଆ କରିବା ପାଇଁ ଦିନଟି ଶୁଭ ରହିବ। ରାଜନୀତିରେ ସଫଳତା ମିଳିବ। ଜୀବନସାଥୀଙ୍କ ଠାରୁ ସୁଖ ପାଇବେ।
ତୁଳା-କର୍ମକ୍ଷେତ୍ରରେ ପରିଶ୍ରମ ଅଧିକ କରିବେ ଏବଂ ସଫଳ ହେବେ। ସନ୍ତାନଙ୍କ ପକ୍ଷରୁ ଭଲ ଖବର ପାଇବେ। ବିଦେଶ ଯିବା ପାଇଁ ଯୋଜନା କରିବେ। ପ୍ରେମୀ ଯୁଗଳଙ୍କ ପାଇଁ ଦିନଟି ବଢ଼ିଆ ରହିବ।
ବିଛା-ନିଜର ଭାବନାକୁ ସକାରାତ୍ମକ ରଖନ୍ତୁ। ଭବିଷ୍ୟତ ରେ ଲାଭ ମିଳିବା ପାଇଁ ନିବେଶ ର ପ୍ରସ୍ତାବ ପାଇବେ। ସନ୍ତାନଙ୍କ କୌଣସି ବିଶେଷ କାର୍ଯ୍ୟ ପାଇଁ ଧନ ଖର୍ଚ୍ଚ ହୋଇପାରେ। ଶତ୍ରୁ ମାନଙ୍କ ପ୍ରତି ସତର୍କ ରହନ୍ତୁ।
ଧନୁ-ଦିନଟି ଆପଣଙ୍କୁ ସୁଖ ଓ ସୌଭାଗ୍ୟ ପ୍ରଦାନ କରିବ। ଲକ୍ଷ୍ୟ ପୂରା କରିବା ଦିଶାରେ କାମ କରିବେ। ଘରର ବାତା ବରଣ ଆନନ୍ଦ ଉଲ୍ଲାସ ରହିବ। ବନ୍ଧୁଙ୍କ ମେଳରେ ଆପଣଙ୍କର ମାନସମ୍ମାନ ବଢ଼ିବ।
ମକର-ଆପଣଙ୍କ ମନ ଆଧ୍ୟାତ୍ମିକ ଦିଗରେ ଅଧିକ ଲାଗି ରହିବ। ଆଇନକାନୁନ ମାମଲାର ସମାଧାନ ହୋଇ ପାରେ। କୌଣସି ବଡ଼ କଂପାନି ରେ ଚାକିରି ପ୍ରସ୍ତାବ ମିଳିପାରେ। ମହିଳାଙ୍କୁ ଆଜି ସୁନ୍ଦର ଉପହାର ମିଳିବ।
କୁମ୍ଭ-ଧ୍ୟାନ ଓ ଯୋଗ ମାଧ୍ୟମରେ ଆପଣଙ୍କ ଭାବନା ଉପରେ ନିୟନ୍ତ୍ରଣ ରଖିବାର ଶିକ୍ଷା ଲାଭ କରିବେ। ଆପଣଙ୍କ ରଚନାତ୍ମକ କାର୍ଯ୍ୟକଳାପରେ ଲୋକେ ପ୍ରଭାବିତ ହେବେ। ସନ୍ତାନଙ୍କ ସଫଳତାରୁ ଆପଣଙ୍କୁ ଖୁସି ମିଳିପାରେ।
ମୀନ-ଉନ୍ନତି ପାଇଁ ବ୍ୟକ୍ତି ପାଇବେ। ନୂଆ କାମଧନ୍ଦା ସମ୍ବନ୍ଧରେ ବିଚାର କରିବେ। ଫିଲ୍ମ କଳାକାରଙ୍କୁ ବଢ଼ିଆ ପ୍ରସ୍ତାବ ମିଳିପାରେ। କୌଣସି ନିର୍ମାଣ କାର୍ଯ୍ୟ ପାଇଁ ଯୋଜନା କରିବେ। ମହିଳାଙ୍କୁ ଜୀବନ ସାଥୀଙ୍କ ଠାରୁ ସୁନ୍ଦର ଉପହାର ମିଳିପାରେ।
ନୀତିବାଣୀ-ସଫଳ ହେବାକୁ ଚାହୁଁଥିବା ବ୍ୟକ୍ତି ନିଜ କାମ କରିବାର ଶୈଳୀରେ ପରିବର୍ତ୍ତନ ଆଣିବା ଉଚିତ୍।ଚିନ୍ତା ଧାରା ନୁହେଁ।
ବାସ୍ତୁଟିପ୍ପଣୀ-ଜାଣନ୍ତୁ ବାର ଅନୁସାରେ କେଉଁ କାର୍ଯ୍ୟ କଲେ ମିଳିଥାଏ ଶୁଭ ଫଳ…
ହିନ୍ଦୁ ଧର୍ମରେ ପୂଜାପାଠ କିମ୍ବା ମାଙ୍ଗଳିକ କାର୍ଯ୍ୟ ନିମନ୍ତେ ପ୍ରଥମେ ଶୁଭସମୟ, ଶୁଭଦିନ ଧାର୍ଯ୍ୟ କରାଯାଏ। ସପ୍ତାହର ବିଭିନ୍ନ ବାର ପାଇଁ ଭିନ୍ନ ଭିନ୍ନ କାର୍ଯ୍ୟ ସ୍ଥିର କରାଯାଇଛି। ବାର ଅନୁସାରେ କାର୍ଯ୍ୟ କଲେ ଶୁଭ ଫଳ ମିଳିଥାଏ ବୋଲି ବିଶ୍ବାସ ରହିଛି।
ରବିବାର-ଏହା ସୂର୍ଯ୍ୟଦେବଙ୍କ ବାର ବୋଲି କୁହାଯାଏ। ସୂର୍ଯ୍ୟଙ୍କୁ ଆରୋଗ୍ୟର ଦେବତା କୁହାଯାଏ। ଯଦି ଜଣେ ବ୍ୟକ୍ତି ରୋଗରେ ପୀଡିତ ହୋଇ ଚିକିତ୍ସା କରାଇବାକୁ ଚାହୁଁଛନ୍ତି ତେବେ ରବିବାର ଅତ୍ୟନ୍ତ ଶୁଭ ହୋଇଥାଏ। ଏହାବାଦ୍ ସୁନା, ଅସ୍ତ୍ରଶସ୍ତ୍ର, ପୋଷାକ କିଣିବା ପାଇଁ ଏହି ଦିନ ଭଲ ହୋଇଥାଏ।
ସୋମବାର-ସୋମବାର ଭଗବାନ ଶିବଙ୍କୁ ସମର୍ପିତ। କୌଣସି ସ୍ଥାନକୁ ଯାତ୍ରା କରିବା ପାଇଁ ଏହି ଦିନ ଅତ୍ୟନ୍ତ ଶୁଭ ହୋଇଥାଏ। କୌଣସି ନୂଆ କାର୍ଯ୍ୟ ଆରମ୍ଭ କରୁଥିଲେ ଏହିଦିନ ଭଲ ହୋଇଥାଏ। ବୃକ୍ଷ ଲଗାଇବା କିମ୍ବା ଚାଷ ସମ୍ପର୍କୀୟ କୌଣସି ଯନ୍ତ୍ରପାତି କିଣିବା ପାଇଁ ଏହି ଦିନ ଭଲ ହୋଇଥାଏ।
ମଙ୍ଗଳବାର-ମଙ୍ଗଳବାର ଭଗବାନ ମହାବୀରଙ୍କୁ ସମର୍ପିତ। ଏହି ଦିନ ଋଣ ଦେବା ଭଲ। ଯଦି କୌଣସି ବିଷୟକୁ ନେଇ ଦୀର୍ଘଦିନରୁ ସମସ୍ୟା ରହିଛି ଏହି ଦିନ କୌଣସି ନିଷ୍ପତ୍ତି ନିଆଯାଇ ପାରିବ।
ବୁଧବାର-ରାଜନୈତିକ ନିଷ୍ପତ୍ତି ନେବା ନିମନ୍ତେ ଏହି ଦିନ ଅତ୍ୟନ୍ତ ଶୁଭଦାୟକ। ବିଦ୍ୟାର୍ଥୀଙ୍କ ପାଇଁ ଏହି ଦିନ ଅତ୍ୟନ୍ତ ଶୁଭ। କ୍ୟାରିୟର୍ ସମ୍ପର୍କୀୟ କୌଣସି ନିଷ୍ପତ୍ତି ବୁଧବାର ଦିନ ନିଆଯାଇ ପାରିବ। ଏହି ଦିନ ଧାର ଦେବା ଆଦୌ ଶୁଭ ନୁହେଁ।
ଗୁରୁବାର-ଏହି ଦିନ ଦାନ ଦକ୍ଷିଣା ସହ ପୂଜାପାଠ ପାଇଁ ଅତ୍ୟନ୍ତ ଭଲ ହୋଇଥାଏ। ଏହାସହିତ ଯେକୌଣସି ନୂଆ କାର୍ଯ୍ୟ ଆରମ୍ଭ କରିପାରିବେ।
ଶୁକ୍ରବାର-ଏହିଦିନ ନୂଆ ବନ୍ଧୁତା କରିବା, ଘରେ ବୈଠକ ଡାକିବା, ସମାଜ ସହିତ ଜଡ଼ିତ କାର୍ଯ୍ୟ କରିବା ବେଶ୍ ଭଲ ହୋଇଥାଏ।
ଶନିବାର-ଶନିବାର ଦିନ ଭଗବାନ ହନୁମାନ ଓ ଶନିଦେବଙ୍କୁ ପୂଜା କରାଯାଏ। ଏହି ଦିନ ଜ୍ୟୋତିଷଙ୍କ ପରାମର୍ଶ କ୍ରମେ ନୂଆ ଘରେ ପ୍ରବେଶ କରିବା ଆବଶ୍ୟକ। ନୂଆ ମେସିନ୍ କିମ୍ବା ନୂଆ ଯାନବାହନ କିଣିବା ପାଇଁ ଏହି ଦିନ ଶୁଭଦାୟକ ହୋଇଥାଏ।ଆଜିର ଦିନଟି ମଙ୍ଗଳମୟ ହେଉ!!ଜୟ ଜଗନ୍ନାଥ, ଜୟ ସୋମନାଥ, ଜୟମା ଯୋଗମାୟା!!
- Advertisement -
