ବାରଙ୍ଗ,୨/୧୨(ଏସଏସନିଉଜ) ନନ୍ଦନକାନନ ଥାନା ଅଧିନସ୍ତଗଣ୍ଡରପୁର ନଦୀପଠାରେ ହୋଇଥିବା ଗୁଳିମାଡରେ ବରିମୁଣ୍ଡର ସନ୍ତୋଷ କୁମାର ପଣ୍ଡା (୪୮) ନାମକ ବ୍ୟକ୍ତି ଗୁରୁତର ଆହତ ହୋଇଛନ୍ତି । ତାଙ୍କୁ ଗୁରୁତର ଅବସ୍ଥାରେ ହସପିଟାଲରେ ଭର୍ତ୍ତି କରାଯାଇଥିବା ବେଳେ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
ପ୍ରକାଶ ଯେ, ସୋମବାର ରାତିରେ ସନ୍ତୋଷ ଜରିପାଟଣା ଛକରେ ଠିଆ ହୋଇଥିଲେ । ଏହି ସମୟରେ ଏକ ନମ୍ବର ବିହୀନ ବୋଲେରୋରେ କେତେଜଣ ଯୁବକ ଆସି ତାଙ୍କୁ ବଳପୂର୍ବକ ଉଠାଇ ନେଇ ଗଣ୍ଡରପୁର ନଦୀପଠାକୁ ନେଇଯାଇଥିଲେ।ସେଠାରେ ନିଧୂର୍ମ ମାଡ ମାରିବା ସହ ଗୋଡକୁ ୪ ରାଉଣ୍ଡ ଗୁଳିମାଡ କିମ୍ବା ଶାବଳରେ ଆକ୍ରମଣ କରି ଫେରାର ହୋଇଯାଇଥିଲେ ବୋଲି ସନ୍ଦେହ କରାଯାଇଛି। ।ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ଜମିଜମାକୁ ନେଇ ଏଭଳି ଘଟଣା ଘଟିଥିବାର ସନ୍ଦେହ କରାଯାଉଛି ।
- Advertisement -
