ବାରଙ୍ଗ,୩/୧୧(ଏସଏସନିଉଜ)ମଧୁପୁର ଗାଁ ମୁଣ୍ଡ ବ୍ଲୁଷ୍ଟାର ମାର୍କେଟ କମ୍ପ୍ଲେକ୍ସରେ ଥିବା ଦୁଇଟି ଦୋକାନରୁ ଶନିବାର ବିଳମ୍ବିତ ରାତିରେ ଚୋରି ହୋଇଥିବାର ବାରଙ୍ଗ ଥାନାରେ ଅଭିଯୋଗ ହୋଇଛି।ଚୋରମାନେ ଦୋକାନର ଆଜବେଷ୍ଟସ ଓ ସିଲିଂ ଭାଙ୍ଗି ଦୋକାନ ମଧ୍ୟକୁ ପଶି ଏକ ରଙ୍ଗଦୋକାନ ଓ ଏକ ଇଲେକ୍ଟ୍ରି ଦୋକାନରୁ ଚୋରି କରିଛନ୍ତି।ଚୋରମାନେ ମିଶ୍ର ଇଣ୍ଟରପ୍ରାଇଜେସର ନାମକ ରଙ୍ଗ ଦୋକାନରୁ ୨୦ବାଲ୍ଟି ରଙ୍ଗ, ୭ପ୍ରକାର ସାମଗ୍ରୀ ସହ ନଗଦ ହଜାରେଟଙ୍କା ଚୋରି ହୋଇଥିବା ମିଶ୍ର ଇଣ୍ଟରପ୍ରାଇଜେସର ମାଲିକ ସୁଭଦ୍ରାପୁର ଗ୍ରାମର ଅଭୟ ମିଶ୍ର କରିଥିବା ଅଭିଯୋଗରେ ଦର୍ଶାଇଛନ୍ତି।
ସେହିପରି ସୁଭଦ୍ରା ଇଲେକ୍ଟ୍ରିକାଲ ଦୋକାନରୁ ୨୨ଫ୍ୟାନ, ୨ଗିଜର, ୨୦ଟିତାର କଏଲ୍ ସହ ୧୫ପ୍ରକାର ର ସାମଗ୍ରୀ ଓ ନଗଦ ୭ହଜାର୫୦୦ ଟଙ୍କା ଚୋରି ହୋଇଥିବା ଦୋକାନର ମାଲିକ ମଧୁପୁର ଗ୍ରାମରଗଜେନ୍ଦ୍ର ସାହୁ ବାରଙ୍ଗ ଥାନାରେ ରବିବାର ଦିନ କରିଥିବା ଅଭିଯୋଗରେ ଦର୍ଶାଇଛନ୍ତି।ସବୁଦିନ ଭଳି ଶନିବାର ରାତିରେ ଉଭୟ ଦୋକାନ ମାଲିକ ଦୋକାନ ବନ୍ଦ କରି ଘରକୁ ଯାଇଥିଲେ।ରବିବାର ସକାଳେ ଦୋକାନ ଖୋଲିବାକୁ ଆସିଥିବା ବେଳେ ଦୋକାନ ଚୋରି ହୋଇଥିବାର ଜାଣିବାକୁ ପାଇଥିଲେ।ପୋଲିସ ଦୁଇଟି ମକଦ୍ଦମା ରୁଜୁକରି ତଦନ୍ତ ଆରମ୍ଭ କରିଛିା(ଜ୍ଞାନଜିତ ପ୍ରଧାନଙ୍କ ରିପୋର୍ଟ)
- Advertisement -
