ବାରଙ୍ଗ,୧୪/୯ (ଏସଏସନିଉଜ ) ବାରଙ୍ଗ ଥାନା ଅଧୀନସ୍ଥ ବେଲଗଛିଆ ଓ ନରଣପୁର ନିକଟରେ ଥିବା ୩ଟି ଆପାର୍ଟମେଣ୍ଟରୁ ଗୁରୁବାର ରାତିରେ ଚୋରି ହୋଇଥିବାର ଥାନାରେ ଅଭିଯୋଗ ହୋଇଛି।ଗୋଟିଏ ରାତିରେ ତିନିଟି ଜାଗାରୁ ଚୋରି ହେବା ଘଟଣା ପୋଲିସ ପାଇ ଚିନ୍ତାର କାରଣ ପାଲଟିଛି।ଏହି ଘଟଣା ପରେ ନରଣପୁରପାଖରେ ଥିବା ଡିଅନ ନାମକ ଆପାର୍ଟମେଣ୍ଟରେ ରହୁଥିବା ଅନ୍ତେବାସୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି।ଅନ୍ତେବାସୀମାନେ ସୁରକ୍ଷାସମ୍ପର୍କିତ ବିଭିର୍ଣଦାବୀନେଇ ଆପାର୍ଟମେଣ୍ଟ ଫାଟକଆଗରେ ଧାରଣାରେ ବସିଥିଲେ ।ପ୍ରାୟ୨ଘଂଟାପରେ ଆପାର୍ଟମେଣ୍ଟର ନିର୍ଦ୍ଦେଶକ ଆସି ବୁଝାସୁଜାକରିବାପରେ ଧାରଣା ଉଠିଥିଲା ।
ପ୍ରକାସ ଯେ,ଗୁରୁବାର ରାତିରେ ବେଲଗଛିଆ ଗ୍ରାମ ନିକଟସ୍ଥ କୁଆଖାଇ ନଦୀ ତଟରେ ଥିବା ଶାନ୍ତିବନ ଆପାର୍ଟମେଣ୍ଟର ଦ୍ଵିତୀୟ ମହଲାର ବି-୨୦୪ ନଂ ରୁମର ମାଲିକ ଡି.କେ ମହାପାତ୍ର ଘରେ ନଥିବାବେଳେ ଏହି ସୁଯୋଗରେ ଘରର ତାଲାଭାଙ୍ଗି ପ୍ରାୟ୪୦ଭରି ଓଜନର ସୁନାଅଂଳଙ୍କାର ଚୋରୀ ହୋଇଥିବାର ଶୁକ୍ରବାରଦିନ ଥାନାରେ ଅଭିଯୋଗ ହୋଇଥିଲା ।୪ଜଣ ମୁଖାପିନ୍ଧା ଦୁର୍ବୁତ ଏପରି କାଣ୍ଡ କରିଥିବାର ସିସିକ୍ୟାମେରାରେ ଚିତ୍ର କଏଦ ହୋଇଥିଲା ।ସେହିଦିନ ଅନୁରୁପଭାବେ ନରଣପୁରପାଖରେ ଥିବା ଡିଅନନାମକ ଆପାର୍ଟମେଣ୍ଟର ଏଚବ୍ଲକର ୨୦୨ନଂରେ ରହୁଥିବା ପ୍ରସନ ମାଝୀ ଏବଂ ୫୦୭ନଂରେ ରହୁଥିବା ପ୍ରିତମ ନନ୍ଦଙ୍କ ଘରୁ କେହିନଥିବାର ସୁଯୋଗରେ ଚୋରି ହୋଇଥିବାର ଥାନାରେ ଅଭିଯୋଗ ହୋଇଥିଲା ।ଗୋଟିଏ ରାତିରେ ସିରିଜ ଚୋରୀ ହେବା ଘଟଣା ପୋଲିସର କାର୍ଯ୍ୟଦକ୍ଷତା ଉପରେ ପ୍ରଶ୍ନବାଚୀ ସୃଷ୍ଟିକରିଥିଲା ।ପୋଲିସ ସିସିଫୁଟେଜ ଆଧାରରେ ତଦନ୍ତଆରମ୍ଭ କରିଥିବାବେଳେ ଚୋରମାନଙ୍କ କୈାଣସି ସୁରାକ ପାଇପାରିନଥିବାର ଜଣାପଡିଛି ।ଅନ୍ୟପଟେ ଚୋରମାନେ ଆପାର୍ଟମେଣ୍ଟ ଉପରେ ଟାର୍ଗେଟ କରୁଥିବାରୁ ଆପାର୍ଟମେଣ୍ଟରେ ରହୁଥିବା ଅନ୍ତେବାସୀମାନଙ୍କ ପାଇଁ ଚିନ୍ତା ବଢିଯାଇଛି ।ଏହିଘଟଣାପରେ ଶନିବାରଦିନ ଡିଅନ ଆପାର୍ଟମେଂଟର ରେ ରହୁଥିବା ଅନ୍ତେବାସୀମାନେ ସେମାନଙ୍କ ସୁରକ୍ଷାକୁନେଇ ଭୟକରିବା ସହ ଫାଟକ ଆଗରେ ଧାରଣାରେ ବସିଥିଲେ ।ସୁରକ୍ଷାବ୍ୟବସ୍ଥା କଡାକଡି,ତାଲିମପ୍ରାପ୍ତ ସୁରକ୍ଷାକର୍ମୀ ନିଯୁକ୍ତି, ଚତୁପାଶ୍ୱର୍ରେ ଉଚ୍ଚା ସୁରକ୍ଷାପ୍ରାଚୀର ନିର୍ମାଣ,ଚୋରୀ ଘଟଣାର ପର୍ଦାଫସ ଆଦି ଦାବୀନେଇ ଫାଟକ ଆଗରେ ଧାରଣାରେ ବସିଥିଲେ ।୨ଘଂଟାପରେ ଆପାର୍ଟମେଂଟର ନିର୍ଦ୍ଦେଶକ ଘଟଣାସ୍ଥଳରେ ପହଁଚି ବୁଝାସୁଜାକରିବାପରେ ଅନ୍ତେବାସୀମାନେ ଧାରଣାରୁ ଉଠିଥିଲେ ।
- Advertisement -
