ବାରଙ୍ଗ,୧୨/୯ (ଏସଏସନିଉ ଜ)ବାରଙ୍ଗଥାନା ଅଞ୍ଚଳର ଜଣେ କଲେଜ ପଢୁଆ ଝିଅକୁ ଦୁଷ୍କର୍ମ କରିବା ଅଭିଯୋଗରେ ପୋଲିସ ଜଣେ ଯୁବକଙ୍କୁ ଗିରଫ କରି କୋର୍ଟଚାଲଣ କରିଛି। ଯୁବକ ଜଣକ ହେଉଛନ୍ତି ଭଞ୍ଜନଗର ଅଞ୍ଚଳର କାହ୍ନୁ ଚରଣ ବିଶୋଇ(୨୫)।ଯିଏକି ବାରଙ୍ଗର ମଧୁବନ ଗ୍ରାମରେ ରହୁଛନ୍ତି।
ପ୍ରକାଶ ଯେ, ବାରଙ୍ଗ ଥାନା ଅଧିନସ୍ତ ମଧୁବନ ଗ୍ରାମରେ କାହ୍ନୁ ଚରଣ ବିଶୋଇ ରହିବା ସହ ଏକ ଟାଟାଏସି ଗାଡି ଚଳାଉଥିଲା।ଏହି ସମୟ ଭିତରେ ମାମୁଘରେ ରହି କଲେଜରେ ପାଠ ପଢୁଥିବା ନିକଟସ୍ତ ଗ୍ରାମରଜ ଣେ ନାବାଳିକା ସହ କାହୁଁର ପ୍ରେମ ସମ୍ପର୍କ ଗଢିଉଠିଥିଲା। ଫେସବୁକ୍ ରୁ ଉଭୟଙ୍କ ମଧ୍ୟରେ ବନ୍ଧୁତା ଓ ପରବର୍ତ୍ତୀ ସମୟରେ ପ୍ରେମସମ୍ପର୍କ ଆରମ୍ଭ ହୋଇଥିଲା।ବିଭିନ୍ନ ସମୟରେ କାହ୍ନୁ ନାବାଳିକାଙ୍କୁ ବହୁ ସ୍ଥାନକୁ ନେଇ ବୁଲାବୁଲି ମଧ୍ୟ କରିବା ଆରମ୍ଭ କରିଥିଲେ। କାହ୍ନୁ ଏହି ସୁବିଧାର ଫାଇଦା ଉଠାଇବା ପାଇଁ ଯୋଜନାବଧ ଭାବେ ବୁଲାଇବା ବାହାନାରେ ନାବାଳିକାକୁ ଏକ ହୋଟେଲରେ ନେଇ ରଖିଥିଲେ।ସେଠାରେ ବିନା ସହମତିରେ ଦୁଷ୍କର୍ମ କରିଥିଲେ ବୋଲି ନାବାଳିକା ଝିଅ ଆସି ଘରେ ମାଙ୍କୁ ଜଣାଇଥିଲେ।ପରେ ମା ସହ ଝିଅଟି ବାରଙ୍ଗ ଥାନାରେ ଆସି ଗତ ୩ତାରିଖରେ ଲିଖିତ ଅଭିଯୋଗ କରିଥିଲେ।ପୋଲିସ ୩୨୫/୨୪ କେସ ନମ୍ୱର ରେ ଏକ ମକଦ୍ଦମା ରୁଜୁକରି ତଦନ୍ତ ଆରମ୍ଭ କରିଥିଲା ଏବଂ ନାବାଳିକାକୁ ଡାକ୍ତରୀ ମଇନା କରି କଟକ ସ୍ଥିତ ବସୁନ୍ଧରାକୁ ପଠାଇଥିଲେ।ଅନ୍ୟପଟେ କାହୁଁ ଏହି ଘଟଣା ପରେ ଫେରାର ହୋଇଯାଇଥିଲେ।ବିଶେଷସୂତ୍ରରୁ ଖବରପାଇ ବୁଧବାର ରାତିରେ କାହୁଁ ତ୍ରିଶୂଳିଆରେ ଥିବାର ଜାଣି ବାରଙ୍ଗ ପୋଲିସ ତାକୁ ଧରିବାରେ ସକ୍ଷମ ହୋଇଥିଲେ।ପୋଲିସ ଗୁରୁବାରଦିନ କାହୁଁକୁ ଗିରଫକରି କୋର୍ଟଚାଲଣ କରିଛି।
- Advertisement -
