ବାରଙ୍ଗ,୨୬/୮(ଏସଏସନିଉଜ)ରବିବାରଦିନ ଚନ୍ଦକାଥାନା ଅଧିନସ୍ଥ ଡେରାସରେ ବଣଭୋଜିକୁ ନେଇ ଦୁଇଗୋଷ୍ଠି ମଧ୍ୟରେ ମାରଧର ଓ ଜଣଙ୍କୁ ଅପହରଣ ଉଦ୍ୟମ କରାଯାଇଥିବା ଘଟଣାରେ ୭ଜଣଙ୍କୁ ଗିରଫକରି ସୋମବାର କୋର୍ଟ ଚାଲାଣ କରିଛି ପୋଲିସ ।ସେମାନେ ହେଲେ ମେଣ୍ଢାଶାଳ ଗ୍ରାମର ବିପିନ୍ କୁମାର ଶତପଥୀ ଓ ବୁବୁ ଓରଫ ସରୋଜ କୁମାର ବଳିଆର ସିଂହ ଓ ପିତାପଲି ଗ୍ରାମର ଲିପୁନ ପରିଡ଼ା,ଲିଙ୍ଗରାଜ ପ୍ରଧାନ,ବିକ୍ରମ ପ୍ରଧାନ,ଗଙ୍ଗେଶ୍ୱର୍ ପ୍ରଧାନ ଓ ସଞ୍ଜୀବ ପ୍ରଧାନ।
ପ୍ରକାଶ ଯେ,ରବିବାର ଦିନ ମେଣ୍ଢାଶାଳ ଗ୍ରାମର ସରୋଜ କୁମାର ବଳିଆରସିଂହ ତାଙ୍କର ୭ଜଣ ସହଯୋଗୀ ଡେରସକୁ ଭୋଜି କରିବାକୁ ଯାଇଥିଲୋ ସେହିଭଳିଭାବେ ପିତପଲି ଗ୍ରାମର ଲିପୁନପରିଡ଼ା ଓ ତାଙ୍କର ୯ଜଣ ସହଯୋଗୀ ମଧ୍ୟ ଭୋଜି କରିବାକୁ ସେଠାକୁଆସିଥିଲେ ।ଉଭୟଗୋଷ୍ଟ ମଦ୍ୟପାନ କରିଥିବାବେଳେ କୌଣସି କଥାକୁନେଇ ଉଭୟଙ୍କ ମଧ୍ୟରେ ପାଟିତୁଣ୍ଡ ଆରମ୍ଭ ହୋଇ ମାରଧର ପର୍ୟ୍ୟନ୍ତ କଥା ଯାଇଥିଲା।କଥା ଏତିକିରେ ସରିନଥିଲା ପିତାପଲି ଗ୍ରାମର ଯୁବକମାନେ ମେଣ୍ଢାଶାଳ ଗ୍ରାମର ବିପିନ୍ କୁମାର ଶତପଥୀଙ୍କୁ ଏକ କାରରେ ଅପହରଣ କରିନେଇଯିବାର ଉଦ୍ୟମ କରିଥିଲେ ।ଏହାପରେ ବିପିନର ସହଯୋଗୀମାନେ ସେମାନଙ୍କୁ ପିଛାକରି ପାଣିଓରା ନିକଟ ପେଟ୍ରୋଲପମ୍ପ ପାଖରେ କାରକୁରୋକି ବିପନକୁ ଉଦ୍ଧାର କରିବାସହ ପିତାପଲ୍ଲୀ ଗ୍ରାମର ପିଲାମାନଙ୍କୁ ନିର୍ଦ୍ଧୁମ ମାଡମାରିଥିଲେ ।ଖବରପାଇ ମେଣ୍ଢାଶାଳଫାଣ୍ଡିପୋଲିସ ଘଟଣାସ୍ଥଳରେ ପହଁଚି ପିତାପଲ୍ଲୀଗ୍ରାମର ପିଲାମାନଙ୍କୁ ଉଦ୍ଧାର କରି ଫାଣ୍ଡିକୁ ଆଣିବାପରେ ସେମାନଙ୍କୁ ଚିକିସ୍ାପାଇଁ କ୍ୟାପିଟାଲ ହସ୍ପିଟାଲକୁ ପଠାଯାଇଥିଲା ।ପରେ ଉଭୟପକ୍ଷରୁ ଅଭିଯୋଗକୁ ଭିତିକରି ପୋଲିସ ୨୯୯ ଓ ୩୦୦/୨୪ରେ ଦୁଇଟି ମକଦ୍ଦମା ରୁଜୁ କରି ସୋମବାରଦିନ ୭ଜଣଙ୍କୁ ଗିରଫକରି କୋର୍ଟଚାଳଣ କରିଛି ।
- Advertisement -
