ବାରଙ୍ଗ,୨୯ା୭(ଏସଏସନିଉଜ)ରାଜ୍ୟରେ ଆରମ୍ଭ ହୋଇଥିବା ଲଘୁଚାପଜନିତ ବର୍ଷାରେ ଭାଙ୍ଗିଯାଇଛି ବୃଦ୍ଧ ଦମ୍ପତିଙ୍କ ଛାତଘର।ଘର ଭାଙ୍ଗିଯିବା ଫଳରେ ଅନେକ ଆସବାବପତ୍ର ମଧ୍ୟ ନଷ୍ଟ ହୋଇଯାଇଥିବା ଜଣାପଡ଼ିଛି। ଏହିଭଳି ଘଟଣା ବାରଙ୍ଗବ୍ଲକ ଅନ୍ତର୍ଗତ ଦାଢ଼ାପାଟଣା ପଞ୍ଚାୟତର କାନପୁର ଗ୍ରାମରେ ଦେଖିବାକୁ ମିଳିଛି।ଏହି ଗ୍ରାମର ମନମୋହନ ବେହେରା ନାମକ ବୃଦ୍ଧ ନିଜ ପତ୍ନୀଙ୍କ ସହ ବହୁ ଜରାଜୀର୍ଣ୍ଣ ଅବସ୍ଥାରେ ଥିବା ପୁରୁଣା କୋଠାଘରେ ଦୀର୍ଘଦିନ ହେବ ରହି ଆସୁଥିଲେ। ବୃଦ୍ଧ ଜଣକ ଏହି ପରିଣତ ବୟସରେ ଗ୍ରାମ ନିକଟରେ ଏକ ଛୋଟଦୋକାନଟିଏ କରି ଯେଉଁ ଦୁଇପଇସା ରୋଜଗାର କରନ୍ତି ସେଥିରେ ଦୁଇପ୍ରାଣୀ ସୁରୁଖୁରୁରେ ଚଳିଯାଆନ୍ତି। ରବିବାର ସନ୍ଧ୍ୟାରେ ହୋଇଥିବା ଲଗାଣବର୍ଷାରେ ଛାତଟି ସମ୍ପୂର୍ଣ୍ଣ ଭୁଶୁଡ଼ି ପଡ଼ିଥିଲା। ସୌଭାଗ୍ୟ କାହାର କୌଣସି କ୍ଷତି ହୋଇନଥିଲେ ମଧ୍ୟ ଘରର ଆସବାସପତ୍ର ନଷ୍ଟ ହୋଇଯାଇଥିଲା।ଜରାଜୀର୍ଣ୍ଣ ଅବସ୍ଥାରେ ଥିବା ଛାତ ଘରଟି ସମ୍ପୂର୍ଣ୍ଣ ଭାଙ୍ଗିଯିବା ଫଳରେ ମୁଣ୍ଡ ଗୁଞ୍ଜିବାକୁ ତାଙ୍କ ପାଖରେ ଆଉ ଘର ଖଣ୍ଡିଏ ନାହିଁ। ଯାହାଫଳରେ ଦୁଇଦିନ ହେବ ବହୁ ଦୁର୍ଦ୍ଦିନରେ କାଳାତିପାତ କରୁଛନ୍ତି। ତାଙ୍କୁ ସରକାରୀ ସହାୟତା ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି।
- Advertisement -
