ଦାରିଙ୍ଗବାଡ଼ି,୧/୬(ଏସଏସନିଉଜ) ଭୋଜି ଖାଇ ଯିବା ସାଜିଥିଲା କାଳ ।ଚାଲିଯାଇଥିଲା ଦୁଇଜଣଙ୍କର ଜୀବନ ।ଏହିଭଳି ଦୁଃଖଦ ଘଟଣା କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ଥାନା ସାଲେଜୁ ଗ୍ରାମରେ ଘଟିଛି । ଟେରାବଡ଼ି ଗ୍ରାମରେ ଚାଲିଥିବା ଏକ ଭୋଜିରେ ଯୋଗ ଦେବା ପାଇଁ ମଦଡ଼ା ପ୍ରଧାନଙ୍କ ପୁଅ ଚିଣ୍ଟୁ ପ୍ରଧାନ,ଅଜିତ ପ୍ରଧାନଙ୍କ ପୁଅ ଅମ୍ପ ପ୍ରଧାନଓ ସୁଶାନ୍ତ ପ୍ରଧାନଙ୍କ ପୁଅ ସାଲୁ ପ୍ରଧାନ ଗୋଟିଏ ବାଇକ୍ ଯୋଗେ ଯାଉଥିଲେ । ସୁଲୁମା ଗ୍ରାମ ନିକଟ ବୁଲାଣିରେ ତାଙ୍କ ବାଇକଟି ଭାରସାମ୍ୟ ହରାଇ ଏକ ଗଛରେ ଧକ୍କା ହୋଇଥିଲା।ଫଳରେ ଗୁରୁତର ଅବସ୍ଥାରେ ତିନି ଯୁବକଙ୍କୁ ସ୍ଥାନୀୟ ଲୋକ ଦାରିଙ୍ଗବାଡ଼ି ସ୍ଥିତ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ସେଠାରେ ଅମ୍ପ ଓ ସାଲୁଙ୍କ ମୃତ୍ୟୁ ଘଟିଥିଲା ।ଖବରପାଇ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
