ମାଲକାନଗିରି,୧୩/୩(ଏସଏସନିଉଜ) ପୁଣି ଖାକିରେ ଲାଗିଲା ଦାଗ ।ମାଲକାନଗିରିରେ ଏହିପରି ଘଟଣା ଘଟିଛି । ଗଂଜେଇ ମାଫିଆଙ୍କ ସହ ମିଶି ଗଂଜେଇ ବେପାରରେ ସହେଯାଗ କରିିଥିବା ଅଭିଯୋଗରେ ମାଲକାନଗିରି ଜିଲ୍ଲା ପୁଲିସ ଜଣେ ପୁଲିସ ଏଏସଆଇ ସମେତ ତିନି ଜଣ ଯୁବକକୁ ଗିରଫ କରିଛି। ଏମାନଙ୍କ ଠାରୁ ୪୨୦ କିଲୋ ଗଂଜେଇ ସହ ୧୦ ହଜାର ଟଂକା ନଗଦ,ଗୋଟିଏ ଲ୍ୟାପଟପ,ଗୋଟିଏ କାର,ଦୁଇଟି ମଟର ସାଇକେଲ ଏବଂ ମୋବାଇଲ ଜବତ କରିଛି।ସେମାନେ ହେଲେ ମାଥିଲି ଥାନା ଅନ୍ତର୍ଗତ କର୍ତ୍ତନପାଲୀ ଆଉଟପୋଷ୍ଟର ଏଏସଆଇ ଜୟଦାଶ ଖରା ଓ ତିନି ସହଯୋଗୀ ହେଲେ କାଲିମେଳା ଥାନା ଅନ୍ତର୍ଗତ ଏମଭି-୬୯ର ସୁକାନ୍ତ ମିସ୍ତ୍ରୀ,ଏମଭି-୭୯ ଥାନା ଅନ୍ତର୍ଗତ ଏମଭି-୭୨ ଗ୍ରାମର ମିଲନ ମଣ୍ଡଳ ଏବଂ ଜ୍ୟୋତି ହୀରା।ପୋଲିସ ବାବୁ ଗାଡି ଯୋଗାଡ କରିବାକୁ ମାଲକାନଗିରି ଆସିଥିବାବେଳେ ସହଯୋଗୀ ମାଲକାନଗିରି ଗୋଟିଏ ଜାଗାରେ ଲୁଚାଇ ରଖିଥିବା ଗଂଜେଇ ଛତିଶଗଡ ରାସ୍ତାରେ ପାର କରିବାକୁ ଚାହୁଁଥିଲେ ।ତେବେ ଆଗରୁ ପୋଲିସ ଏଏସଆଇଙ୍କ ଉପରେ ସନ୍ଦେହ କରାଯାଇଥିବାଳେ ସୁଚନାପାଇ ଏସଡିପିଓ ଶୁଭେନ୍ଦୁ ପାତ୍ର ଏବଂ ଅଂଶୁମାନ ଦ୍ବିବେଦୀ ଧରିବାକୁ ଯୋଜନା କରିଥିଲେ ।ଶେଷରେ ପୋଲିସ ଜାଲରେ ଛନ୍ଦିହୋଇପଡିଥିଲେ ଏଏସଆଇ ଜୟଦାଶ ଖରା ।ଗଞେଇ ସହ ସହଯୋଗୀମାନଙ୍କୁ ଧରିବାରେ ସକ୍ଷମ ହୋଇଥିଲେ ପୋଲିସ । ଜୟଦାଶଙ୍କ ସମେତ ଅନ୍ୟ ତିନି ଜଣକୁ ଆଜି ମାଲକାନଗିରି ପୁଲିସ ଗିରଫ କରି କୋର୍ଟ ଚାଲାଣ କରିଛି।
- Advertisement -
