ଭୁବନେଶ୍ବର, ୬/୨(ଏସଏସନିଉଜ) ବସ୍ତିବାସିନ୍ଦାଙ୍କ ପ୍ରବଳ ବିରୋଧ ସତ୍ତ୍ବେ ଶନିବାର ଦିନ ସାଲିଆସାହି ଇଡ୍କୋ ବସ୍ତିରେ କମିସନରେଟ୍ ପୁଲିସ ଚଢ଼ଉ କରି ୨୦ ମଦ ଭାଟିକୁ ଭାଙ୍ଗିଛି । ଏଥିରେ ସମ୍ପୃକ୍ତଥିବା ବସ୍ତିର ମୁନିରାମ ସୋରେନ୍, ଶ୍ୟାମ୍ସୁନ୍ଦର ମୁର୍ମୁ, ରାମ ଟୁଡ଼ୁ, କାହ୍ନୁ ଟୁଡ଼ୁ ଏବଂ ରବୀନ୍ଦ୍ର କୁମାର ମୁର୍ମୁଙ୍କ ସମେତ ୫ ଜଣଙ୍କୁ ଗିରଫ କରିଛି।ପୋଲିସକୁ ଦେଖି ବସ୍ତିଲୋକ କରିଥିବା ଢେଲାମାଡକୁ ଖାତିରି ନକରି ବେପାରୀମାନଙ୍କୁ ଧରିବାରୁ ବସ୍ତୀଲୋକ ଛତ୍ରଭଙ୍ଗ ଦେଇଥିଲେ । ପୁଲିସ ଭାଟି ଭିତରେ ପଶି ପୋଚ ଓ ମଦ ନଷ୍ଟ କରିବାସହ ପ୍ରାୟ ଗୋଟିଏ ଟ୍ରକ୍ ଆଲୁମିନିୟମ୍ ଡେକ୍ଚି ଓ ଜେରିକେନ୍ ଡ୍ରମ୍ ଜବତ କରିଥିଲା ।
- Advertisement -
