ବାରଙ୍ଗ,୧୫/୩(ଏସ ଏସ ନିଉଜ) ନନ୍ଦନକାନନ ଥାନା ଅଧିନସ୍ଥ କୁଞ୍ଜବିହାରୀ ମହାବିଦ୍ୟାଳୟ ପଛ ପାର୍ଶ୍ଵ ବାରଙ୍ଗ-ପୁରୀ ମୁଖ୍ୟ କେନାଲରୁ ଜଣେ ଅଚିହ୍ନା ବ୍ୟକ୍ତିଙ୍କ ମୃତଦେହ ଉଦ୍ଧାର।ମୃତକଙ୍କ ବୟସ ୬୦ ବର୍ଷ ହେବ ଅନୁମାନ କରାଯାଉଛି।ସୂଚନା ମୁତାବକ ମଙ୍ଗଳବାର ଅପରାହ୍ନ ୧୨.୩୦ ଘଟିକା ସମୟରେ ସ୍ଥାନୀୟ ଅଞ୍ଚଳର କିଛି ଯୁବକ କଲେଜ ପଛପଟ ପୁରୀ ମୁଖ୍ୟ କେନାଲରେ ଗାଧୋଉଥିବା ସମୟରେ ଏକ ବ୍ୟକ୍ତିଙ୍କ ମୃତଦେହ ଭାସି ଭାସି ଆସୁଥିବାର ଦେଖିବାକୁ ପାଇଥିଲେ।ବ୍ୟକ୍ତିଙ୍କ ଜଣକ ଏକ ଧଳା ରଙ୍ଗର ଗଞ୍ଜି ଓ ଏକ ଘିଅ ରଙ୍ଗର ଚେକ୍ ସାର୍ଟ ପିନ୍ଧିଥିବା ବେଳେ ଶରୀରରେ ଅନ୍ୟ କୌଣସି ବସ୍ତ୍ର ନଥିଲା।ଯୁବକମାନେ ମୃତଦେହକୁ ପାଣିରୁ ଉଦ୍ଧାର କରି ଉପରକୁ ଆଣିଥିଲେ।ପରେ ଉଭୟ ବାରଙ୍ଗ ଓ ନନ୍ଦନକାନନ ଥାନାକୁ ଖବର ଦେଇଥିଲେ।ଖବର ପାଇ ସଙ୍ଗେ ସଙ୍ଗେ ନନ୍ଦନକାନନ ଥାନା ପୋଲିସ ଘଟଣାସ୍ଥଳରେ ପହଞ୍ଚିଥିଲା।କିଛି ସମୟ ପରେ ବାରଙ୍ଗ ଥାନାର କିଛି କର୍ମଚାରୀ ସେଠାରେ ପହଞ୍ଚି ଏହା ତାଙ୍କର ଏରିଆ ନୁହେଁ ବୋଲି କହିଥିଲେ।ପରେ ଉଭୟଙ୍କ ମଧ୍ୟରେ ସୀମାନିର୍ଧାରଣ ପରେ ନନ୍ଦନକାନନ ଥାନା ପୋଲିସ
ମୃତଦେହ ଜବତ କରି ଶବ ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲ ପଠାଇଛି।ଏନେଇ ନନ୍ଦନକାନନ ଥାନାରେ କେସ ନଂ ୪/୨୨ ରେ ଅପମୃତ୍ୟୁ ମାମଲା ରୁଜୁ କରାଯାଇ ତଦନ୍ତ ଜାରିରହିଥିବା ଥାନାଧିକାରୀ ବିଶ୍ବରଞ୍ଜନ ସେନାପତି ସୁଚନା ଦେଇଛନ୍ତି।
- Advertisement -
